சர்கார் கதை விவகாரத்தில் திடீர் திருப்பம்
- IndiaGlitz, [Tuesday,October 30 2018]
தளபதி விஜய் நடிப்பில் இயக்குனர் ஏ.ஆர்.முருகதாஸ் இயக்கிய 'சர்கார்' திரைப்படம் வரும் தீபாவளி திருநாள் அன்று உலகம் முழுவதும் பிரமாண்டமாக வெளிவரவுள்ளது.
இந்த நிலையில் இந்த படத்தின் கதை, தான் கடந்த 2007ஆம் ஆண்டு எழுதிய 'செங்கோல்' என்ற கதை என்று கூறி வருண் ராஜேந்திரன் என்பவர் சென்னை உயர்நீதிமன்றத்தில் வழக்கு தொடர்ந்தார்
இந்த வழக்கின் இன்று விசாரணைக்கு வந்த நிலையில் இயக்குனர் ஏ.ஆர்.முருகதாஸ் மற்றும் சன்பிக்சர்ஸ் சார்பில் நீதிமன்றத்தில் வருண் ராஜேந்திரனுடன் சமரசம் செய்து கொண்டதாக தகவல் தெரிவித்தனர். இதனையடுத்து வழக்கின் விசாரணையை நீதிபதி சிறிது நேரத்திற்கு ஒத்திவைத்தார்.
வழக்கு மீண்டும் விசாரணைக்கு வரும்போது என்ன மாதிரியான சமரசம் ஏற்பட்டது என்பது குறித்து தெரியவரும் என கூறப்படுகிறது. 'சர்கார்' படக்குழுவினர் வருண் ராஜேந்திரனுடன் திடீரென சமரசம் செய்துள்ளது திடீர் திருப்பமாக கருதப்படுகிறது.