சூப்பர் ஸ்டார் ரஜினிகாந்த் நடிப்பில் கார்த்திக் சுப்புராஜ் இயக்கவுள்ள படத்தின் ஆரம்பகட்ட பணிகள் தொடர்ந்து நடைபெற்று வருகிறது என்பது தெரிந்ததே. கோலிவுட் திரையுலகின் ஸ்டிரைக் முடிந்தவுடன் இந்த படத்தின் படப்பிடிப்பு தொடங்கும் என தெரிகிறது. 

இந்த நிலையில் இந்த படத்தில் ரஜினியின் வில்லனாக நடிக்க பிரபல பாலிவுட் நடிகர் நவாசுதின் சித்திக் என்பவரை கார்த்திக் சுப்புராஜ் தேர்வு செய்துள்ளார். இவர் ஏற்கனவே 'கேங்க்ஸ் ஆஃப் வாசிபூர், 'தலாஷ்', 'பாஜ்ராங்கி பைஜான்', 'ராயீஸ்; உள்பட பல படங்களில் சிறப்பாக நடித்தவர் என்பது குறிப்பிடத்தக்கது.

மேலும் கார்த்திக் சுப்புராஜின் இந்த புதிய படத்தில் ரஜினி-நவாசுதீன் மோதும் காட்சிகள் ஹைலைட்டாக இருக்கும் என்றும் இவர்கள் இருவரை சுற்றியே திரைக்கதை உள்ளதால் சுவாரஸ்யமான காட்சிகள் இந்த படத்தில் அதிகம் இருக்கும் என்றும் படக்குழுவினர்களிடம் இருந்து தகவல்கள் வெளிவந்துள்ளது.