கடந்த சில நாட்களாக பிரதமர் மோடி உள்பட பாஜகவினர் அனைவரும் தங்களை செளகிதார் என்று அழைத்து வருகின்றனர். செளகிதார் என்றால் பாதுகாப்பவர், பாதுகாவலன் என்ற பொருள் என்பதால் நாட்டையும் நாட்டு மக்களையும் பாதுகாப்பதாக கூறி வருகின்றனர்.

இந்த நிலையில் தனியார் தொலைக்காட்சி ஒன்று நடத்திய விவாத நிகழ்ச்சி ஒன்றில் பாஜக தலைவர்கள் உள்பட பலர் கலந்து கொண்டனர். இதில் பேசிய ஒரு இளைஞர், 'பிரதமர் மோடி எங்களை பக்கோடா விற்க சொல்கிறார். ஆனால் அவரை அவரே பாதுகாவலர் என்று கூறிக்கொள்கிறார். எங்களுக்கு காவலன்தான் வேண்டும் என்றால் நாங்கள் நேபாளம் நாட்டில் இருந்து கூர்க்காவை வரவழைத்து கொள்வோம். அங்கு நிறைய கூர்க்காக்கள் இருக்கிறார்கள்.

ஆனால் எங்களுக்கு கூர்க்காக்கள் தேவை இல்லை. எங்களுக்கு தேவை ஒரு நல்ல பிரதமர்தான். முன்னாள் ஆட்சி செய்தவர்கள் எல்லோரும் நாட்டை சீரழித்துவிட்டார்கள் என்று மோடி கூறுகிறார். ஆனால் அவர் பிறப்பதற்கு முன்னே பாபா அணு ஆராய்ச்சி நிலையத்தையும், பக்ரா நங்கல் அணையையும் கட்டியது முன்னாள் ஆட்சியாளர்கள் தான் என்பதை அவர் மறக்க கூடாது.

இவ்வாறு இந்த இளைஞர் ஆவேசமாக பேசிய வீடியோ நாடு முழுவதும் வைரலாகி வருகிறது.