அன்புச்செழியன் தலைமறைவு: பெங்களூர் விரைந்தது தனிப்படை
- IndiaGlitz, [Saturday,December 02 2017]
சசிகுமாரின் உறவினர் அசோக்குமார் தற்கொலைக்கு காரணமானவர் என்ற வகையில் போலீசாரால் தேடப்பட்டு வரும் பைனான்சியர் அன்புச்செழியன் கடந்த சில நாட்களாக தலைமறைவாகியுள்ளார். அவரை தேடும் பணியில் காவல்துறையினர்களின் தனிப்படை ஈடுபட்டு கொண்டிருக்கும் நிலையில் அன்புச்செழியனின் மேனேஜர்கள் முருகன் மற்றும் சாதிக் ஆகிய இருவர் சமீபத்தில் கைது செய்யப்பட்டனர்.
இவர்கள் இருவரிடமும் நடத்திய விசாரணையின் அடிப்படையில் அன்புச்செழியன் பெங்களூரில் பதுங்கியிருக்கலாம் என்ற தகவல் தெரிய வந்துள்ளது. இதனையடுத்து தனிப்படையின் ஒரு பிரிவினர் பெங்களூர் விரைந்துள்ளதாகவும், மிக விரைவில் அன்புச்செழியன் பிடிபட வாய்ப்பு இருப்பதாகவும் காவல்துறை வட்டாரங்கள் கூறுகின்றன.
இந்த நிலையில் சமீபத்தில் அன்புச்செழியன் தரப்பில் சென்னை ஐகோர்ட்டில் முன் ஜாமீன் மனு தாக்கல் செய்யப்பட்டு பின்னர் அவரது வழக்கறிஞர்களால் அந்த மனு வாபஸ் பெறப்பட்டது என்பது குறிப்பிடத்தக்கது.