பிக்பாஸ் நிகழ்ச்சியை நடத்தி வரும் கமல்ஹாசன், இந்த நிகழ்ச்சியை பொதுநலத்திற்கும் தனது சுயநலத்திற்கும் பயன்படுத்துவதாக ஏற்கனவே கூறியிருந்தார். தனது சினிமா அனுபவங்களையும் தனது கட்சி குறித்தும் அவ்வப்போது இந்த நிகழ்ச்சியின் இடையே கூறி வரும் கமல், தற்போது தனது படத்தின் புரமோஷனுக்கும் இந்த நிகழ்ச்சியை அவர் பயன்படுத்தவுள்ளதாக தெரிகிறது.

ஆம், அடுத்த வாரம் பிக்பாஸ் நிகழ்ச்சியை நடத்த வரும் கமல்ஹாசன், தனது 'விஸ்வரூபம் 2' படத்தின் சிங்கிள் டிராக் ஒன்றை நிகழ்ச்சியின் இடையே வெளியிடவுள்ளார்.

இந்த நிகழ்ச்சியை ஐந்து கோடி பேர் பார்ப்பதாக கூறப்படும் நிலையில் 'விஸ்வரூபம் 2' டிரைலர் ஒரே நேரத்தில் ஐந்து கோடி பேர்களிடம் போய் சேரும் என்பது குறிப்பிடத்தக்கது.

வரும் ஆகஸ்ட் 10ஆம் தேதி வெளிவரவுள்ள 'விஸ்வரூபம் 2' திரைப்படத்தில் கமல்ஹாசன், ராகுல் போஸ், பூஜாகுமார், ஆண்ட்ரியா, சேகர் கபூர், உள்பட பலர் நடித்துள்ளனர். இந்த படத்திற்கு ஜிப்ரான் இசையமைத்துள்ளார். கமல்ஹாசன் தயாரித்து இயக்கியுள்ள இந்த படம் இந்த ஆண்டின் பெரும் எதிர்பார்ப்புக்குரிய படங்களில் ஒன்றாக கருதப்படுகிறது.