பிரபல காமெடி நடிகர் வீட்டில் கைவரிசை: 41 சவரன் நகைகள் கொள்ளை
- IndiaGlitz, [Wednesday,April 24 2019]
கோலிவுட் திரையுலகில் காமெடி நடிகராக வலம் வந்து கொண்டிருக்கும் நடிகர் இமான் அண்ணாச்சி, தனியார் தொலைக்காட்சி ஒன்றில் 'சொல்லுங்கய்யா சொல்லுங்க' என்ற நிகழ்ச்சியின் மூலம் புகழ் பெற்று அதன்பின்னர் கோலிவுட்டில் காமெடி மற்றும் குணசித்திர வேடங்களில் நடித்து வருகிறார்.
இந்நிலையில் இன்று காலை நடிகர் இமான் அண்ணாச்சியின் அரும்பாக்கம் வீட்டில் கொள்ளையர்கள் காட்டிய கைவரிசையால் 41 சவரன் நகைகளும் ரூபாய் பத்தாயிரம் ரொக்கமும், வாட்ச் ஒன்றும் கொள்ளை போயுள்ளதாக செய்திகள் வெளிவந்துள்ளது.
இதனால் அதிர்ச்சி அடைந்துள்ள நடிகர் இமான் அண்ணாச்சி காவல்துறையில் இதுகுறித்து புகார் செய்துள்ளார். காவல்துறையினர் இந்த கொள்ளை குறித்து விசாரணை செய்து வருகின்றனர்.