கபிலன் வைரமுத்து அவர்களின் 'இளைஞர்கள் என்னும் நாம்' என்னும் ஆவணப்படத்தின் டீசர் கடந்த சில நாட்களுக்கு முன்னர் பிரபல இயக்குனர் கே.வி.ஆனந்த் அவர்கள் வெளியிட்ட நிலையில் செப்டம்பர் 25ஆம் தேதி இந்த ஆவணப்படம் வெளியாகவுள்ளது.

இந்த ஆவணப்படத்தை பிரபல இயக்குனர் ஏ.ஆர்.முருகதாஸ் வெளியிடவுள்ளார். ஏ.ஆர்.முருகதாஸ் இயக்கிய 'ரமணா' படத்தில் பல கல்லூரி மாணவர்கள் ஒருங்கிணைந்தது ACF என்ற இயக்கத்தை உருவாக்கியது போல், உண்மையாகவே பல கல்லூரி மாணவர்கள் ஒருங்கிணைந்து உருவாக்கிய 'மக்கள் அணுக்கப் பேரவை' என்ற மாணவர் இயக்கம் குறித்த ஆவணப்படம் தான் இந்த 'இளைஞர்கள் என்னும் நாம்'

அரசியலில் ஊழலற்ற, தன்னலமற்ற ஒரு மாற்று தலைவர் வேண்டும், குறிப்பாக இளளஞர்கள் அரசியலுக்கு வரவேண்டும் என்பதை வலியுறுத்தும் இந்த ஆவணப்படம் இன்றைய தமிழகத்திற்கு தேவையான ஒன்றாகவே கருதப்படுகிறது. இந்த ஆவணப்படம் இளைஞர்கள் மனதில் எத்தகையை தாக்கத்தை ஏற்படுத்த போகிறது என்பதை பொறுத்திருந்து பார்ப்போம்