கடந்த ஆயுதபூஜை தினத்தில் வெளியான பெரும் எதிர்பார்ப்புக்குரிய திரைப்படமான 'ஸ்பைடர்' திரைப்படம் கலவையான விமர்சனத்தை பெற்றதால் எதிர்பார்த்த வசூலை பெறவில்லை. கடந்த இரண்டு வாரமாக புதிய திரைப்படங்கள் ரிலீஸ் ஆகாததால் ஓரளவுக்கு சுமாரான வசூலை பெற்று சராசரி வெற்றி படங்களில் இணைந்துள்ளது.

கடந்த வார இறுதி நாட்களில் இந்த படம் சென்னையில் 17 திரையரங்க வளாகங்களில் 139 காட்சிகள் திரையிடப்பட்டு ரூ.21,64,920வசூல் செய்துள்ளது. மேலும் இந்த படம் சென்னையில் செப்.27 முதல் அக்.15 வரை ரூ.3,66,47,312 வசூல் செய்துள்ளது என்பதும், தமிழ், தெலுங்கு என இரண்டு மொழிகளிலும் சேர்த்து ரூ.4,54,44,369 என்பதும் குறிப்பிடத்தக்கது.

மேலும் இந்த படம் தமிழகம் முழுவதும் 19 நாட்களில் ரூ.26 கோடி வசூல் செய்துள்ளது. சென்னையில் ரூ.4.5 கோடியும், செங்கல்பட்டில் ரூ.8.35 கோடியும், கோவையில் ரு.5.2 கோடியும் வசூல் செய்துள்ளது என்பது குறிப்பிடத்தக்கது.