ரஜினி, கமல், விஜய் இடத்திற்கு மகேஷ்பாபுவை அழைத்து செல்லும் முருகதாஸ்
- IndiaGlitz, [Wednesday,August 31 2016]
இந்தியாவின் சிறந்த இயக்குனர்களில் ஒருவரும் தமிழ், இந்தி மொழிகளில் பல வெற்றி படங்களை இயக்கியவருமான ஏ.ஆர்.முருகதாஸ் தற்போது மகேஷ்பாபு நடித்து வரும் ஆக்சன் படத்தை இயக்கி வருகிறார். இந்த படத்தின் முதல் கட்ட படப்பிடிப்பு தற்போது ஐதராபாத்தில் நடைபெற்று வருகிறது.
இந்நிலையில் இந்த படத்தின் அடுத்தகட்ட படப்பிடிப்பிற்காக சென்னையில் உள்ள தனியார் தீம் பார்க் ஒன்றில் பிரமாண்டமான செட் ஒன்று தயாராகி வருகிறது. இந்த செட்டில் 40 நாட்கள் படப்பிடிப்பு நடத்த திட்டமிட்டுள்ளதாகவும், இந்த படப்பிடிப்பில் பல முக்கிய காட்சிகள் படமாக்கப்பட உள்ளதாகவும் செய்திகள் வெளிவந்துள்ளது.
இதே தீம்பார்க்கில்தான் ரஜினியின் '2.0', கமலின் 'உத்தமவில்லன்', விஜய்யின் 'தெறி' உள்பட பல முன்னணி நடிகர்கள் நடித்த படங்களின் படப்பிடிப்பு நடைபெற்றுள்ளது என்பது குறிப்பிடத்தக்கது
மகேஷ்பாபு, ராகுல் ப்ரித்திசிங், எஸ்.ஜே.சூர்யா, ஆர்ஜே பாலாஜி உள்பட பலர் நடித்து வரும் இந்த படத்திற்கு ஹாரீஸ் ஜெயராஜ் இசையமைக்கவுள்ளார்.