கடந்த 2000ஆம் ஆண்டுகளில் பிரபலமாக இருந்த தமிழ் நடிகை ரோஜாவுக்கு ஆந்திர முதல்வர் ஜெகன்மோகன் ரெட்டி ஆந்திர மாநில தொழில்துறை உள்கட்டமைப்பு கழக தலைவர் என்ற பதவியை சமீபத்தில் வழங்கினார் என்பது தெரிந்ததே. இந்த நிலையில் இந்த பதவிக்கான பவர், சம்பளம் குறித்த தகவல்கள் தற்போது வெளிவந்துள்ளது.

இந்த பதவியை ஏற்றுள்ள நடிகை ரோஜாவுக்கு மாதச்சம்பளம் ரூ.2 லட்சம் மற்றும் இதர படிகள் சேர்த்து மாதம் சுமார் ரூ.4 லட்சம் கிடைக்கும் என்பது குறிப்பிடத்தக்கது. மேலும் ஆந்திராவில் புதியதாக தொழில் தொடங்கவிருக்கும் உள்நாட்டினர் மற்றும் வெளிநாட்டினருக்கு ரோஜா தான் ஆய்வு செய்து அனுமதி அளிக்க வேண்டும் என்பது குறிப்பிடத்தக்கது. எனவே ஒரு அமைச்சருக்கு இணையானது இந்த பதவி என்று கூறப்படுகிறது.

முன்னதாக நடிகை ரோஜா தேர்தலில் வெற்றி பெற்றவுடன் அவருக்கு அமைச்சர் பதவி வழங்கப்படும் என செய்திகள் வெளியாகின. ஆனால் அமைச்சர் பதவி உள்பட எந்த பதவியும் அவருக்கு வழங்கப்படவில்லை. இருப்பினும் பொறுமையாக காத்திருந்த ரோஜாவுக்கு தற்போது பவர்ஃபுல் பதவி கிடைத்துள்ளது என்பது குறிப்பிடத்தக்கது.