விஜய் மீது தேச குற்ற வழக்குப்பதிவு செய்ய வேண்டும்: சென்னை காவல் ஆணையர் அலுவலகத்தில் புகார்..!
- IndiaGlitz, [Friday,August 23 2024]
விஜய் நேற்று அறிமுகம் செய்த கொடியில் சர்ச்சைக்குரிய அம்சங்கள் இருப்பதால் அவர் மீது தேச குற்ற வழக்கு பதிவு செய்ய வேண்டும் என சென்னை காவல்துறை ஆணையர் அலுவலகத்தில் ஆர்டிஐ செல்வம் என்பவர் புகார் அளித்துள்ளார்.
அவர் தனது புகாரில் கேரளா அரசின் போக்குவரத்து சின்னமான யானை தமிழக வெற்றி கழகத்தின் கொடியில் இடம் பெற்றுள்ளதாகவும் இந்தியாவை அவமதிக்கும் வகையில் ஸ்பெயின் நாட்டு தேசியக் கொடியின் நிறத்தை விஜய் தனது கட்சி கொடியாக வைத்துள்ளார் என்றும் எனவே அவர் மீது தேச குற்ற வழக்கு பதிவு செய்ய வேண்டும் என்றும் தெரிவித்துள்ளார்.
மேலும் தமிழக வெற்றிக்கழக கொடி தேர்தல் விதிமுறைகள் மற்றும் சட்டத்திற்கு புறமான சின்னங்கள் இருப்பதாகவும் அவர் தனது புகாரில் தெரிவித்துள்ளார்
இந்த நிலையில் இது குறித்து விளக்கமளித்துள்ள தமிழக வெற்றிக் கழகம், எங்கள் கட்சி கொடியில் யானை சர்ச்சை குறித்து தேர்தல் ஆணையம் விளக்கம் கேட்டால் பதிலளிக்க முடிவு செய்துள்ளோம். மேலும் தங்கள் கொடியில் 2 யானை, வாகை மலர், நட்சத்திரங்கள் இருக்கிறது. கொடியை உருவாக்க கட்சிக்கு உரிமை உள்ளது. எனவே, தேர்தல் ஆணையம் இதுகுறித்து கேள்வி எழுப்பினால் பதில் சொல்வோம்’ என தெரிவித்துள்ளது.