சனம்ஷெட்டிக்கு உள்ளேயும் வெளியேயும் காத்திருக்கும் சர்ப்ரைஸ்!
- IndiaGlitz, [Thursday,November 12 2020]
பிக்பாஸ் நிகழ்ச்சியின் போட்டியாளர்களில் ஒருவராகிய சனம் ஷெட்டி பிரச்சனை செய்யாத நாள் ஏதாவது ஒன்று உண்டா? என்பதை தேடி கண்டுபிடிக்க வேண்டிய நிலையில் தான் பார்வையாளர்கள் உள்ளனர். பாலாஜி உள்பட தினந்தோறும் ஏதாவது ஒரு போட்டியாளர்களுடன் வேண்டுமென்ற பிரச்சனையை உருவாக்கி, தானும் டென்ஷனாகி மற்றவர்களையும் டென்ஷனாக்கி வருகிறார். நேற்று கூட ஆரி சாதாரணமாக கேட்ட சாப்பாடு கொட்டியது குறித்த விவகாரத்தில் டென்ஷனாகி அவருடன் சனம் சண்டை போட்டது பார்வையாளர்களுக்கு எரிச்சலை ஏற்படுத்தியது
இந்த நிலையில் சனம்ஷெட்டியின் பாசிட்டிவ் தகவல் ஒன்று தற்போது கிடைத்துள்ளது. சனம் ஷெட்டிக்கு இன்று பிறந்தநாள் என்பதை அடுத்து பிக்பாஸ் வீட்டில் அவருக்கு இன்று பிறந்த நாள் கொண்டாட்டம் நடைபெறும் என்று எதிர்பார்க்கப்படுகிறது. ஏற்கனவே ஒரு சில போட்டியாளர்களின் பிறந்தநாள் கொண்டாடப்பட்டது போல் சனம் ஷெட்டியின் பிறந்தநாளும் சிறப்பாக கொண்டாட பிக்பாஸ் ஏற்பாடு செய்வார் என்று கருதப்படுகிறது
இந்த நிலையில் பிக்பாஸ் வீட்டினுள்ளே அவரது பிறந்த நாள் கொண்டாடப்பட உள்ள நிலையில் பிக்பாஸ் வீட்டிற்கு வெளியேயும் அவரது பிறந்த நாளான இன்று அவர் நடித்த திரைப்படமான ’எதிர்வினையாற்றும்’ என்ற படத்தின் டிரைலர் இன்று மாலை 4 மணிக்கு வெளியாக இருப்பதாக படக்குழுவினர் அறிவித்தனர். ஏற்கனவே இந்த டிரைலர் குறித்த வீடியோ ஒன்றை சனம்ஷெட்டி பிக்பாஸ் நிகழ்ச்சிக்கு செல்வதற்கு முன்னரே பதிவு செய்திருந்த நிலையில் அந்த வீடியோ தற்போது சமூக வலைதளங்களில் வைரல் ஆகி வருகிறது என்பது குறிப்பிடத்தக்கது