சூப்பர் ஸ்டார் ரஜினிகாந்த் அவர்கள் அரசியல் கட்சி ஆரம்பித்து ஆன்மீக அரசியலில் ஈடுபடுவார் என்றும், வரும் தேர்தலில் அவர் 234 தொகுதிகளிலும் போட்டியிடுவார் என்றும் அவரது ரசிகர்கள் மற்றும் ரஜினி மக்கள் மன்ற நிர்வாகத்தினர் பெரும் எதிர்பார்ப்புடன் இருந்தனர். ஆனால் சமீபத்தில் ரஜினிகாந்த் தனது உடல்நிலையை காரணம் காட்டி அரசியல் கட்சி தொடங்குவது இல்லை என்றும் அரசியலில் ஈடுபடுவதில்லை என்றும் அறிவித்தார். இதனால் ரஜினி ரசிகர்கள் ஏமாற்றத்தில் உள்ளனர்.

ரஜினிகாந்த் அரசியலுக்கு வரவில்லை என்றாலும் அவர் வரும் தேர்தலில் யாருக்கு ஆதரவு கொடுப்பார் என்ற கேள்வி எழுந்துள்ளது என்பதும் இது குறித்து அரசியல் கட்சி தலைவர்கள் இடையே பரபரப்பான கருத்துகள் பரிமாறப்பட்டு வருகிறது என்பதும் குறிப்பிடத்தக்கது.

இந்த நிலையில் இன்று 2021 ஆம் ஆண்டு புத்தாண்டு பிறந்ததை அடுத்து ரஜினிகாந்த் வீட்டில் புத்தாண்டு வாழ்த்துக்கள் கூறும் கோலம் போடப்பட்டு உள்ளது. இந்த கோலம் குறித்த புகைப்படங்கள் தற்போது சமூக வலைதளங்களில் வைரல் ஆகி வரும் நிலையில் இந்த கோலத்தில் இரட்டை இலை இருப்பதால் இதில் ஏதாவது மறைமுக குறியீடாக இருக்குமோ? என்று நெட்டிசன்கள் விவாதத்தில் ஈடுபட்டு வருகின்றனர். இதுகுறித்த ஜாலியான கமெண்ட்ஸ்களையும் நெட்டிசன்கள் பகிர்ந்து வருகின்றனர்.