'கிழக்கு வாசல்' என்ற புத்தம் புதிய தொடர்.. திங்கள் முதல் வெள்ளி வரை ஸ்டார் விஜய்யில்..
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
ஸ்டார் விஜய் சேனலில் ’கிழக்கு வாசல்’ என்ற புத்தம் புதிய மெகா தொடர் இன்று முதல் தொடங்க இருப்பதாக அறிவிக்கப்பட்டுள்ளது. இன்று முதல் அதாவது ஆகஸ்ட் 7 முதல் ஸ்டார் விஜய் சேனலில் திங்கள் முதல் வெள்ளி வரை இரவு 10 மணிக்கு ’கிழக்கு வாசல்’ தொடர் ஒளிபரப்பாகும் என அறிவிக்கப்பட்டுள்ளது.
சாமியப்பன் என்ற குடும்பத்தை சுற்றி நடக்கும் கதை அம்சம் கொண்ட இந்த தொடரில் அவரது வளர்ப்பு மகள் ரேணுகா ஒரு சுறுசுறுப்பான பெண்ணாக உள்ளார். அம்மா அப்பா இரண்டு சகோதரர்கள் என பெரிய குடும்பமாக இருக்கும் இந்த குடும்பத்தில் அன்பு அரவணைப்பு ஆகியவற்றை கவனிப்பதில் ரேணுகா கவனமாக இருக்கிறார்.
குடும்பத்தில் சவால்கள் மற்றும் பிரிவினைகள் ஏற்பட்டாலும் தன்னால் முடிந்த அளவுக்கு குடும்பத்தை ஒற்றுமையாக வைத்திருக்க பாடுபடுகிறாள். ரேணுகா தனது சொந்த குடும்ப உறுப்பினர்களிடம் இருந்து வரும் சவால்களை எதிர்கொள்ளும் அதே வேளையில் ஒரு வழக்கறிஞராக பட்டப்படிப்பையும் படித்து முடிக்க ஆசைப்படுகிறார். அவருக்கு உறுதுணையாக அவரது தந்தை சாமியப்பன் இருக்கிறார்.
இவ்வாறு பல்வேறு திருப்பங்களுடன் சுவாரசியமான கதை அம்சத்துடன் கொண்ட ’கிழக்கு வாசல்’ தொடர் இன்று முதல் ஒளிபரப்பாக இருக்கிறது. ரேணுகாவாக ரேஷ்மா, சாமியப்பனாக எஸ்ஏ சந்திரசேகர் ஆகியோர் நடித்துள்ளனர். மேலும் இந்த தொடரில் வெங்கட் ரங்கநாதன், அஸ்வினி, ஆனந்த் பாபு, தினேஷ் கோபாலசாமி,அருண், ரோஜா ஸ்ரீ ஆகியோர் நடிக்க உள்ளனர்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Comments