இந்திய இசையுலகில் அனிருத்தின் முதல் முயற்சி
- IndiaGlitz, [Tuesday,October 17 2017]
ராக் ஸ்டார் அனிருத் நேற்று தனது பிறந்த நாளை உற்சாகமாக கொண்டாடிய நிலையில், பிறந்த நாளில் மிக முக்கிய அறிவிப்பை அவர் வெளியிட்டுள்ளார். இந்த அறிவிப்பால் அனிருத் ரசிகர்கள் உற்சாகம் அடைந்துள்ளனர்.
இந்தியாவின் முன்னணி இசை நிறுவனமான சோனி மியூசிக் நிறுவனமும் அனிருத்தும் இணைந்து இந்தியில் பாப் பாடல் ஒன்றை தயாரிக்கவுள்ளனர். இது அனிருத்தின் முதல் இந்தி பாப் பாடல் ஆகும். இந்த பாப் பாடல் குறித்து அனிருத் கூறியபோது, 'இதற்கு முன்னர் இசை ரசிகர்கள் கேள்விப்பட்டிராத, கேட்காத பாடலாக இந்த பாடல் இருக்கும் என்று கூறியுள்ளார்.
இந்திய இசையுலகின் முதல்முயற்சி என்று கூறப்படும் இந்த பாடலுக்கான பணிகள் நடந்து வருவதாகவும், வரும் நவம்பரில் இந்த பாடல் வெளியாகும் என்றும் அனிருத் கூறியுள்ளார். அனிருத்தின் இந்த புதிய முயற்சிக்கு IndiaGlitz-ன் வாழ்த்துக்கள்