அட்லியின் அடுத்த படம் குறித்த அதிரடி தகவல்
- IndiaGlitz, [Tuesday,April 03 2018]
பிரமாண்ட இயக்குனர் ஷங்கரிடம் உதவியாளராக இருந்த அட்லி, முதல்முறையாக ஆர்யா, ஜெய், நயன்தாரா, நஸ்ரியா நடித்த 'ராஜா ராணி' என்ற படத்தை இயக்கினார். இந்த படத்தின் வெற்றியால் அவருக்கு அடுத்த படமே விஜய்யை இயக்கும் படமாக அமைந்தது. விஜய் நடித்த 'தெறி' நல்ல வெற்றியை பெற்றதை அடுத்து மீண்டும் விஜய் நடித்த 'மெர்சல்' திரைப்படத்தை இயக்கினார். இந்த படமும் வெற்றியடைந்துள்ள நிலையில் அவர் இன்னும் தனது அடுத்த படம் குறித்த தகவலை அறிவிக்காமல் உள்ளார்.
இந்த நிலையில் தனியார் கல்லூரி ஒன்றின் நிகழ்ச்சியில் கலந்து கொண்ட அட்லி, 'அடுத்து தெலுங்கில் ஒரு படத்தை இயக்கவுள்ளதாகவும், இந்த படத்தில் தெலுங்கின் மிகப்பெரிய ஸ்டார் நடிக்கவுள்ளதாகவும், இந்த படம் குறித்த அறிவிப்பு விரைவில் வெளிவரும் என்றும் கூறப்படுகிறது.
அட்லியின் அடுத்த படத்தில் பவன்கல்யாண் அல்லது அல்லுஅர்ஜூன் ஆகிய இருவரில் ஒருவர் நடிக்க வாய்ப்பு இருப்பதாக கூறப்படுகிறது. எனினும் இதுகுறித்த அதிகாரபூர்வ தகவல் வரும் வரை பொறுமை காப்போம்.