இயக்குனர் மிஷ்கின் இயக்க இருக்கும் அடுத்த திரைப்படத்தில் மாஸ் நடிகர் ஒருவர் நடிக்க இருப்பதாகவும் இந்த படத்தின் ஆரம்பகட்ட பணிகள் தொடங்கி விட்டதாகவும் கூறப்படுகிறது.

மிஷ்கின் இயக்கத்தில் ஆண்ட்ரியா முக்கிய வேடத்தில் நடித்த ‘பிசாசு 2’ என்ற திரைப்படம் விரைவில் ரிலீஸ் ஆகவுள்ளது என்பது தெரிந்ததே. அதேபோல் தளபதி விஜய் நடிப்பில் உருவாகி வரும் ’லியோ’ படத்திலும் இயக்குனர் மிஷ்கின் ஒரு முக்கிய கேரக்டரில் நடித்து வருகிறார்.

இந்த நிலையில் இயக்குனர் மிஷ்கின் இயக்கும் அடுத்த திரைப்படத்தில் மக்கள் செல்வன் விஜய் சேதுபதி ஹீரோவாக நடிக்க இருப்பதாக தகவல்கள் வெளியாகி உள்ளன. இந்த படத்தை தமிழ் திரை உலகின் முன்னணி நிறுவனம் ஒன்று தயாரிக்க இருப்பதாகவும் இந்த படம் குறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.

ஏற்கனவே மிஷ்கின் இயக்கிய ‘பிசாசு 2’ படத்தில் விஜய் சேதுபதி சிறப்பு தோற்றத்தில் நடித்துள்ள நிலையில் தற்போது அவருடைய அடுத்த படத்துல ஹீரோவாக நடிக்க உள்ளார் என்பது குறிப்பிடத்தக்கது. விஜய் சேதுபதி ஏற்கனவே ஷாருக்கானின் ’ஜவான்’, வெற்றிமாறனின் ‘விடுதலை’ உள்பட பல திரைப்படங்களில் நடித்து வரும் நிலையில் தற்போது மிஷ்கின் இயக்கத்திலும் நடிக்க உள்ளார் என்பது குறிப்பிடத்தக்கது.