சூப்பர் ஸ்டார் ரஜினிகாந்த் நடித்த ’தர்பார்’ திரைப்படத்தின் ரிலீசுக்கு இன்னும் ஒரே ஒரு நாள் மட்டுமே இருக்கும் நிலையில் ரஜினி ரசிகர்களிடையே பரபரப்பு அதிகமாகிக்கொண்டே வருகிறது. உலகம் முழுவதும் பிரம்மாண்டமாக வெளியாகவிருக்கும் இந்தப் படத்தை வரவேற்க ரஜினி ரசிகர்கள் தயாராகி வருகின்றனர்

இந்த நிலையில் ரஜினிக்கு தமிழகத்தை போலவே இந்தியாவின் பிற பகுதிகளில் மட்டுமின்றி வெளி நாட்டிலும் கோடிக்கணக்கான ரசிகர்கள் இருக்கின்றனர் என்பது தெரிந்ததே. குறிப்பாக ஜப்பானில் ரஜினிக்கு ஒரு மிகப்பெரிய ரசிகர் கூட்டமே இருக்கிறது என்பது குறிப்பிடத்தக்கது

அந்த வகையில் ஒருசில ரஜினியின் தீவிர ஜப்பான் ரசிகர்கள் ரஜினி படம் வெளியாகும் தினத்தன்று ஜப்பானில் இருந்து சென்னை வரும் வழக்கமும் இருந்து வருகிறது. ரஜினியின் முன்னே படமான பேட்ட படம் வெளியானபோதே சென்னைக்கு ஒரு சில ஜப்பான் ரசிகர்கள் வந்தனர் என்பது தெரிந்ததே

இந்த நிலையில் தற்போது Yasudha Hitedoshi என்ற ஜப்பான் ரசிகர் சென்னையில் உள்ள ஒரு திரையரங்கில் தர்பார் படம் பார்க்க டிக்கெட் எடுத்துள்ளார். இதனை அந்த திரையரங்கு உரிமையாளர் புகைப்படத்துடன் தனது சமூக வலை பக்கத்தில் பதிவு செய்துள்ளார் என்பது குறிப்பிடத்தக்கது. ஜப்பானில் இருந்து சென்னை வந்த அந்த ரஜினி ரசிகருக்கு பாராட்டுக்களையும் வாழ்த்துக்களையும் இங்குள்ள ரஜினி ரசிகர்கள் தெரிவித்து வருகின்றனர்