தளபதி விஜய் நடிப்பில் இயக்குனர் அட்லி இயக்கி வரும் 'தளபதி 63' படத்தின் படப்பிடிப்பு கடந்த பிப்ரவரி மாதம் ஆரம்பித்த நிலையில் இதுவரை இந்த படத்தின் மூன்று கட்ட படப்பிடிப்புகள் முடிந்துவிட்டது. குறிப்பாக 3ஆம் கட்ட படப்பிடிப்பு தொடர்ச்சியாக 70 நாட்கள் நடைபெற்றுள்ளது

இந்த நிலையில் நான்காம் கட்ட படப்பிடிப்பு தொடங்கிவிட்டதாக படக்குழுவினர் தெரிவித்துள்ளனர். மேலும் இந்த படத்தின் அடுத்தடுத்த அப்டேட்டுக்கள் விரைவில் வெளிவரவிருப்பதாகவும், அதுவரை விஜய் ரசிகர்கள் எந்தவித வதந்திகளை நம்ப வேண்டாம் என்றும், ரசிகர்களின் முன் மிகச்சிறந்த விருந்தாக இந்த படத்தை வைக்க வேண்டும் என்பதற்காக அட்லியும் அவரது குழுவினர்களும் இரவுபகலாக உழைத்து வருவதாகவும் தெரிவிக்கப்பட்டுள்ளது

விஜய், நயன்தாரா, ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், இந்துஜா உள்ளிட்ட பலர் நடித்து வரும் இந்த படத்திற்கு இசைப்புயல் ஏ.ஆர்.ரஹ்மான் இசையமைத்து வருகிறார். விஷ்ணு ஒளிப்பதிவில் ரூபன் படத்தொகுப்பில் உருவாகி வரும் இந்த படத்தை பெரும் பொருட்செலவில் ஏஜிஎஸ் நிறுவனம் தயாரித்து வருகிறது.