தளபதி விஜய் நடித்த 'மெர்சல்' திரைப்படத்தில் இடம்பெற்ற 'ஆளப்போறான் தமிழன்' பாடல் உலகமெங்கும் சூப்பர் ஹிட் ஆகியது. இந்த பாடல் வெளிவந்து பல மாதங்கள் ஆகிவிட்டபோதிலும் இன்றும் இந்த பாடல் அனைத்து எப்.எம். வானொலிகளிலும் தினந்தோறும் ஒலித்து கொண்டிருக்கின்றது.

இந்த நிலையில் 'மெர்சல்' படத்திற்கு இசையமைத்த ஆஸ்கார் நாயகன் ஏ.ஆர்.ரஹ்மான் விஜய் நடித்து வரும் அடுத்த படமான 'சர்கார்' படத்திலும் இசையமைத்து வருகிறார். இந்த நிலையில் இந்த படத்திலும் 'ஆளப்போறான் தமிழன்' போலவே ஒரு பாடல் உள்ளதாக செய்திகள் வெளிவந்துள்ளது. இந்த தகவல் விஜய் ரசிகர்களை மட்டுமின்றி அனைத்து சினிமா ரசிகர்களுக்கும் ஒரு இனிப்பான செய்தி என்பது குறிப்பிடத்தக்கது

மேலும் 'சர்கார்' படத்தில் அரசியல்வாதிகளாக நடித்து வரும் பழ.கருப்பையா மற்றும் ராதாரவி ஆகியோர்கள்தான் வில்லன்களாக இருக்கும் என்ற யூகம் அனைவரிடத்திலும் இருந்தது. ஆனால் தற்போது ஒரு டுவிஸ்ட்டாக இந்த படத்தில் ஒரு பவர்ஃபுல் வில்லன் கேரக்டர் இருப்பதாகவும், இதுகுறித்த தகவல் விரைவில் வெளிவரும் என்று கூறப்படுகிறது

'சர்கார்' படம் குறித்த தகவல்கள் தினந்தோறும் வெளிவந்து கொண்டிருப்பதாக் இந்த படத்தின் எதிர்பார்ப்பும் பலமடங்கும் பெருகிக்கொண்டே போகிறது. இந்த படமும் விஜய்யின் வெற்றிப்படங்களில் ஒன்றாக அமையும் என்றே எதிர்பார்க்கப்படுகிறது.