கமல்ஹாசனுடன் விவசாய சங்க நிர்வாகிகள் சந்திப்பு
- IndiaGlitz, [Tuesday,August 22 2017]
உலக நாயகன் கமல்ஹாசன் கடந்த சில மாதங்களாக சமூக வலைத்தளங்களில் அதிரடி அரசியல் கருத்துக்களை பதிவு செய்து வருகிறார். ஊழலுக்கு எதிராக அவர் தொடங்கியுள்ள நடவடிக்கைக்கு கமல் ரசிகர்கள் மட்டுமின்றி பொதுமக்களும் ஆதரவு கொடுத்து வருகின்றனர்.
இந்த நிலையில் தமிழக விவசாயிகளின் பிரச்சனைகள் கடந்த பல மாதங்களாக கண்டுகொள்ளமலும், திர்க்கப்படாமலும் உள்ளது. இந்நிலையில் இன்று கமல்ஹாசனை விவசாயிகள் சங்கத் தலைவர் மற்றும் நிர்வாகிகள் அவரது ஆழ்வார்ப்பேட்டை இல்லத்தில் சந்தித்தனர். விவசாயிகள் பிரச்சனைகள் குறித்து கமலுடன் ஆலோசனை செய்த அவர்கள் விவசாயிகளுக்காக குரல் கொடுக்க வேண்டும் என்றும் வலியுறுத்தினர்.
ஊழலுக்கு எதிராக கமல் கொடுத்த குரலுக்கு பெரும் ஆதரவு கிடைத்ததை அடுத்து விவசாயிகளுக்கு ஆதரவாகவும் கமல் குரல் கொடுத்தால் நிச்சயம் அந்த குரல் மத்திய மாநில அரசுகளை தட்டியெழுப்பும் என்று எதிர்பார்க்கப்படுகிறது.