ட்ரீம்வாரியர் பிக்சர்ஸ் நிறுவனத்தின் தயாரிப்பில், புதுமுகம் ஆதித்திபாலன் நடிப்பில் அறிமுக இயக்குனர் அருண்பிரபு புருஷோத்தமன் இயக்கத்தில் வரும் வெள்ளியன்று வெளியாகவுள்ள திரைப்படம் 'அருவி'. இந்த நிலையில் இந்த படத்தின் பத்திரிகையாளர் காட்சி நேற்று சென்னை சத்யம் திரையரங்கில் நடைபெற்றது.

இந்த படத்திற்கு பத்திரிகையாளர்கள் மத்தியில் மிகப்பெரிய வரவேற்பு அளிக்கப்பட்டு வருகிறது. படம் முடிந்தவுடன் அனைவரும் எழுந்து நின்று கைதட்டியதே இதற்கு சான்றாக உள்ளது. மேலும் படம் பார்த்த பத்திரிகையாளர்கள் சமூக வலைத்தளங்களில் பாசிட்டிவ் கருத்துக்களை தெரிவித்து வருகின்றனர்.

ஏற்கனவே இந்த படத்தின் டீசர் மிகப்பெரிய வரவேற்பை பெற்ற நிலையில் ரிலீசுக்கு முன்னரே பத்திரிகையாளர்களின் பாராட்டுக்களை பெற்றுள்ளதால் இந்த படத்திற்கு மிகப்பெரிய எதிர்பார்ப்பும் நல்ல ஓப்பனிங் வசூலும் இருக்கும் என்று எதிர்பார்க்கப்படுகிறது. இதுபோன்ற சின்ன பட்ஜெட் படங்கள் வெற்றி பெறுவதே திரையுலகம் ஆரோக்கியமான பாதையில் சென்று கொண்டிருக்கின்றது என்பதை நிரூபணம் செய்கிறது. படக்குழுவினர்களுக்கு அட்வான்ஸ் வாழ்த்துக்கள்