நடிகர் சங்க அலுவலகத்தில் திடீர் தீ விபத்து: சேதங்கள் எவ்வளவு?
- IndiaGlitz, [Monday,December 07 2020]
நடிகர் சங்க அலுவலகம் சென்னை தி நகரில் உள்ள ஹபிபுல்லா சாலையில் இயங்கி வருகிறது என்பது தெரிந்ததே. இந்த நிலையில் திடீரென இன்று அதிகாலை 4 மணிக்கு நடிகர் சங்க அலுவலகத்தில் தீ விபத்து ஏற்பட்டதாக வெளிவந்துள்ள தகவலால் பெரும் பரபரப்பு ஏற்பட்டுள்ளது
நடிகர் சங்க அலுவலகத்தில் இன்று அதிகாலை 4 மணிக்கு கிச்சனில் தீ விபத்து ஆரம்பித்ததாகவும் இதனை அடுத்து தீ மளமளவென பரவியதாகவும் தகவல்கள் வெளிவந்துள்ளன
இது குறித்து தகவலறிந்த தீயணைப்புத் துறையினர் உடனடியாக சம்பவ இடத்திற்கு சென்று தீயை அணைக்கும் பணியில் ஈடுபட்டு வருகின்றனர். சுமார் மூன்று மணி நேரம் போராடி தீயணைப்பு வீரர்கள் தீயை கட்டுக்குள் கொண்டு வந்தனர். இந்த தீ விபத்தில் நடிகர் சங்க அலுவலகத்தில் இருந்த முக்கிய கோப்புகள் சேதமடைந்து இருக்கலாம் என்றும் ஆனால் சேத விவரங்கள் இன்னும் தெரியவில்லை என்றும் கூறப்படுகிறது
நடிகர் சங்கம் தற்போது தமிழக அரசு நியமனம் செய்த தனி அலுவலர்களின் கட்டுப்பாட்டில் உள்ளது என்பதும் குறிப்பிடத்தக்கது
#Breaking | நடிகர் சங்க அலுவலகத்தில் அதிகாலை 4.30 மணியளவில் தீ விபத்து. சுமார் 3மணி நேரம் போராடி இப்பொழுது அணைக்கப்பட்டது. #SIAA #NadigarSangam pic.twitter.com/IsmXIoL2Op
— NadigarSangam PrNews (@NadigarsangamP) December 7, 2020
A Fire accident happened at #NadigarSangam today morning at 4:30. We hear that it started from kitchen area and it came to an end after 3 hours of continuous struggle. There is no news about the loss till now. #SiAA pic.twitter.com/xOww92Gjsi
— Johnson PRO (@johnsoncinepro) December 7, 2020