తెర పై రజనీ జీవిత‌క‌థ..!
- IndiaGlitz, [Wednesday,August 10 2016]
సూప‌ర్ స్టార్ రజనీకాంత్ కి ఉన్న క్రేజ్ - ఇమేజ్ గురించి ప్ర‌త్యేకించి చెప్ప‌న‌వ‌స‌రం లేదు అంద‌రికీ తెలిసిందే. కోలీవుడ్, టాలీవుడ్ స్టార్స్ మాత్రమే కాదు...బాలీవుడ్ స్టార్స్ సైతం రజనీ ఫ్యాన్ అని చెబుతుంటారు. ఇటీవ‌ల రజనీకాంత్ క‌బాలి చిత్రంతో ప్ర‌పంచ వ్యాప్తంగా సంచ‌ల‌నం సృష్టించి స‌రికొత్త రికార్డులు సృష్టించారు. ఇంత‌టి క్రేజ్ ఉన్న అసామాన్యుడు రజనీకాంత్ మాత్రం సామాన్యుడుగా ఉండ‌టానికే ఇష్ట‌ప‌డుతుంటారు. టైమ్ దొరికితే చాలు హిమాల‌యాల‌కు వెళ్లి ధ్యానం చేసుకుంటుంటారు.
ఆప‌ద‌లో ఉన్న వారికి స‌హాయం చేస్తూ...ఎంతో మందిని ఆదుకున్నారు. అందుక‌నే రజనీ రీల్ లైఫ్ లోనే కాదు రియ‌ల్ లైఫ్ లో కూడా హీరోనే అంటారు. ఆర్టీసి బ‌స్ కండ‌క్ట‌ర్ గా ప్రారంభ‌మైన రజనీ జీవితం నేడు ఒక వ్య‌క్తిగా కాకుండా ఒక శ‌క్తిగా ఎద‌గ‌డం వెన‌క చాలా స్టోరీ ఉంది. సినిమా క‌థ‌కు ఏమాత్రం తీసిపోని రజనీ జీవితక‌థ‌ను తెర‌కెక్కిస్తే బాగుంటుంది అనే ఆలోచ‌న‌లో ఉన్నార‌ట రజనీ కుమార్తె ఐశ్వ‌ర్య. ప్ర‌స్తుతం ఈ విష‌యం పై సీరియ‌స్ గా ఆలోచిస్తున్నార‌ట. తండ్రి రజనీ రియ‌ల్ స్టోరీని తెర‌కెక్కించ‌డానికి ఏర్పాట్లు చేస్తున్న‌ట్లు తెలిసింది.ఇది నిజ‌మై...రజనీ జీవిత చ‌రిత్ర తెర పైకి వ‌స్తే చ‌రిత్ర సృష్టించ‌డం ఖాయం.