சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படம் சமீபத்தில் வெளியாகி மிகப்பெரிய வரவேற்பு பெற்று உள்ளது என்பதும் இந்த படம் உலகம் முழுவதும் 400 கோடி ரூபாய் வசூலை நெருங்கி விட்டதாகவும் கூறப்படுகிறது. இன்னும் அரங்கு நிறைந்த காட்சிகளாக பல திரையரங்குகளில் ஓடிக் கொண்டிருப்பதால் இந்த படம் வசூல் சாதனை செய்யும் என்றும் கூறப்படுகிறது.

இந்த நிலையில் ரஜினி நடிக்க இருக்கும் அடுத்த திரைப்படமான ’தலைவர் 170’ படத்தின் படப்பிடிப்பு அடுத்த மாதம் தொடங்க இருப்பதாக தெரிகிறது. ’ஜெய்பீம்’ ஞானவேல் இயக்கத்தில் உருவாக இருக்கும் இந்த படத்தை லைகா நிறுவனம் தயாரிக்க உள்ளது.

இந்த நிலையில் இந்த படத்தில் பிரபல தெலுங்கு நடிகர் நானி ஒரு முக்கிய கேரக்டரில் நடிப்பதாக செய்திகள் வெளியானது, ஆனால் அவர் தற்போது இந்த படத்தில் நடிக்க முடியாத நிலையில் இருப்பதாகவும் அவருக்கு பதில் இன்னொரு தெலுங்கு பிரபல நடிகர் சர்வானந்த் நடிப்பதற்கான பேச்சுவார்த்தை நடைபெற்று வருவதாகவும் கூறப்படுகிறது.

அனிருத் இசையில் உருவாகயிருக்கும் இந்த திரைப்படம் ’ஜெயிலர்’ படத்தின் மிகப்பெரிய வெற்றி காரணமாக பெரும் எதிர்பார்ப்பை ஏற்படுத்தி உள்ளது என்பது குறிப்பிடத்தக்கது.