நீங்கள் அரசியலுக்கு வருவதாக பிரபல நடிகர் ஒருவரிடம் சொன்னீர்களே? ஏன் வரவில்லை ? எப்போது வருவீர்கள்? என்று பிரபல இயக்குனர் தனது இன்ஸ்டாகிராம் பக்கத்தில் அடுக்கடுக்காக கேள்வி எழுப்பி உள்ளார்

‘பிரேமம்’ உள்பட ஒரு சில வெற்றி படங்களை இயக்கிய இயக்குனர் அல்போன்ஸ் புத்திரன் தனது இன்ஸ்டாகிராமில் அஜித் குறித்து பதிவு செய்துள்ளார். அந்த பதிவில் ’நிவின் பாலி மற்றும் சுரேஷ் சந்திரா ஆகிய இருவரும் நீங்கள் அரசியலுக்கு வர இருப்பதாக கூறியதை நான் கேள்விப்பட்டேன்.

‘பிரேமம்’ படத்தில் நிவின் பாலி நடிப்பை கண்டு வியந்த உங்கள் மகள் அனோஷ்காவுக்காக நிவின்பாலியை நீங்கள் வீட்டிற்கு அழைத்து பேசினீர்கள். அப்போது நீங்கள் அவரிடம் அரசியலுக்கு வர இருப்பதாக கூறினீர்கள். ஆனால் உங்களை இதுவரை நான் அரசியல் கட்சிகளில் பார்க்கவில்லை.

ஒன்று அவர்கள் என்னிடம் பொய் சொல்லி இருக்க வேண்டும் அல்லது நீங்கள் அதை மறந்திருக்க வேண்டும். அல்லது வேறு ஏதோ உங்களுக்கு பிரச்சனை இருந்திருக்க வேண்டும். இது மூன்றும் இல்லை என்றால் எனக்கு கடிதம் வழியாக பொதுவெளியில் விளக்கம் அளிக்க வேண்டும். ஏனெனில் உங்களை நான் நம்புகிறேன், பொதுமக்களும் நம்புகிறார்கள்’ என்று பதிவு செய்துள்ளார்

ஏற்கனவே விஜயகாந்த் கொலைக்கு யார் காரணம் என்பதை கண்டுபிடியுங்கள் என நேற்று உதயநிதிக்கு அல்போன்ஸ் புத்திரன் தனது இன்ஸ்டாகிராமில் வேண்டுகோள் விடுத்து இருந்த தற்போது அஜித் அரசியலுக்கு வரவிருப்பதாக பதிவு செய்திருப்பது பரபரப்பை ஏற்படுத்தி உள்ளது.