ஒரே நேரத்தில் ரஜினி, கமல், விஜய், அஜித்துக்கு ஜோடியாக நடிக்கும் நடிகை..! கோலிவுட் ஆச்சரியம்..!
- IndiaGlitz, [Thursday,September 14 2023]
ரஜினிகாந்த், கமல்ஹாசன், அஜித், விஜய் ஆகிய நான்கு மாஸ் நடிகர்களுடன் ஒரு படத்திலாவது நடிக்க வேண்டும் என்பது திரை உலகிற்கு வரும் நடிகைகளின் ஆசையாக இருக்கும். ஆனால் ஒரே நேரத்தில் ரஜினிகாந்த், கமல்ஹாசன், அஜித், விஜய் ஆகிய நான்கு மாஸ் நடிகர்களின் படங்களில் நடிக்க ஒரு நடிகைக்கு வாய்ப்பு கிடைத்துள்ள நிலையில் கோலிவுட் திரையுலகம் இதை ஆச்சரியமாக பார்த்து வருகிறது. அந்த அதிசய நடிகை தான் த்ரிஷா.
நடிகை த்ரிஷா ஏற்கனவே விஜய்யுடன் ’லியோ’ என்ற திரைப்படத்தில் நடித்து முடித்துள்ள நிலையில் அந்த படம் வரும் அக்டோபர் 19ஆம் தேதி ரிலீசாக உள்ளது. இதனை அடுத்து அவர் அஜித் நடிக்க இருக்கும் ’விடாமுயற்சி’ திரைப்படத்தில் அவர் நடிக்க இருப்பதாக கூறப்படுகிறது
அதேபோல் உலகநாயகன் கமல்ஹாசன் நடிப்பில் மணிரத்னம் இயக்கத்தில் உருவாகும் ’கமல் 234’ படத்தில் நாயகியாக த்ரிஷா நடிக்க இருப்பதாக கூறப்பட்ட நிலையில் தற்போது ரஜினி நடிப்பில் லோகேஷ் கனகராஜ் இயக்கத்தில் உருவாகவுள்ள ’தலைவர் 171’ திரைப்படத்திலும் அவர்தான் நாயகியாக நடிக்க இருப்பதாக கூறப்படுகிறது. ஏற்கனவே ரஜினியுடன் ’பேட்ட’ திரைப்படத்தில் நடித்த த்ரிஷா மீண்டும் ரஜினி படத்தில் இணைய உள்ளார் என்பது குறிப்பிடத்தக்கது.
’பொன்னியின் செல்வன்’ திரைப்படத்திற்கு பின் த்ரிஷா வேற லெவல் உச்சத்திற்கு சென்று உள்ளார் என்பதும் இன்னும் சில வருடங்களுக்கு தென்னிந்திய திரையுலகில் அவரது மார்க்கெட் உச்சத்தில் இருக்கும் என்றும் கூறப்படுகிறது.