திரையுலக பிரபலங்கள் குறித்து அவ்வப்போது வதந்தி எழுவதும் அதன் பின்னர் அந்த வதந்திக்கு பிரபலங்கள் விளக்கம் அளித்து வருவதும் வாடிக்கையாக உள்ளது. குறிப்பாக சமூக வலைதளங்கள் தோன்றிய பின்னர் பிரபலங்களின் வதந்திகள் சர்வசாதாரணமாக வலம் வந்து கொண்டிருக்கின்றன என்பது குறிப்பிடத்தக்கது

இந்த நிலையில் கடந்த சில மணி நேரங்களாக பிரபல நகைச்சுவை நடிகர் கவுண்டமணியின் உடல்நலம் குறித்து வதந்தி சமூக வலைதளங்களில் பரவியது. இதனால் திரையுலகிலும் ரசிகர்கள் மத்தியிலும் பெரும் பரபரப்பு ஏற்பட்டது. இதனை அடுத்து கவுண்டமணி தரப்பினர் இதுகுறித்து விளக்கம் அளித்துள்ளனர். அந்த விளக்கத்தில் கூறியிருப்பதாவது:

நடிகர் கவுண்டமணி நலம்.. அவர் வழக்கமான பணிகள், அடுத்த பட வேலைகளில் ஆர்வமாக, தீவிரமாக இருக்கிறார். அவர் உடல்நிலை குறித்து தீயவர் சிலர் அடிக்கடி தவறான தகவல் பரப்புவதை வேடிக்கை ஆக வைத்துள்ளனர். அதை நம்ப வேண்டாம். கவுண்டமணி வீட்டில் முற்றிலும் நலம்’ என குறிப்பிடப்பட்டுள்ளது