'வெந்து தணிந்தது காடு' படத்தில் 'மாநாடு' கனெக்சன்: ஆச்சரிய தகவல்
- IndiaGlitz, [Monday,August 01 2022]
சிம்பு நடிப்பில் கௌதம் மேனன் இயக்கத்தில் உருவாகியிருக்கும் ’வெந்து தணிந்தது காடு’ என்ற படத்தின் படப்பிடிப்பு முடிவடைந்து தற்போது இறுதிக்கட்ட போஸ்ட் புரொடக்ஷன் பணிகள் நடைபெற்று வருகிறது. இந்நிலையில் இந்த படத்தில் ’மாநாடு’ படத்தின் பாணியில் ஒரு ஸ்டண்ட் காட்சி அமைக்கப்பட்டிருப்பதாக வெளிவந்திருக்கும் தகவல் ஆச்சரியத்தை ஏற்படுத்தியுள்ளது.
சிம்பு நடிப்பில் வெங்கட்பிரபு இயக்கத்தில் உருவான ’மாநாடு’ திரைப்படத்தில் நீளமான ஒரே ஷாட்டில் உருவான ஸ்டண்ட் காட்சி ஒன்று உருவாக்கப்பட்டிருக்கும் என்பதும் இந்த காட்சி ரசிகர்களை ஆச்சரியப்படுத்தியது என்பதும் தெரிந்ததே.
அந்த வகையில் ’வெந்து தணிந்தது காடு’ படத்திலும் 5 நிமிடங்கள் கொண்ட ஸ்டண்ட் காட்சி என்று ஒரே ஷாட்டில் எடுக்கப்பட்டு இருப்பதாகவும், இந்த காட்சியை ஸ்டண்ட் இயக்குனர் லீ விட்டேக்கர் என்பவர் இயக்கி இருப்பதாகவும், சிம்பு இந்த காட்சியில் மிக அபாரமாக ஸ்டாண்ட் செய்திருப்பதாகவும் தகவல்கள் வெளியாகியுள்ளன. இந்த ஸ்டண்ட் காட்சி ரசிகர்களுக்கு மிகப்பெரிய விருந்தாக அமையும் என்று எதிர்பார்க்கப்படுகிறது.
ஏஆர் ரகுமான் இசையில் உருவாகிய இந்த படம் செப்டம்பர் 15ஆம் தேதி உலகம் முழுவதும் திரையரங்குகளில் வெளியாக உள்ளது என்பதும் இந்த படத்தை தமிழகத்தில் ரெட் ஜெயண்ட் மூவீஸ் நிறுவனம் வெளியிடவுள்ளது என்பதும் குறிப்பிடத்தக்கது.
சிம்பு, சித்தி இதானி, ராதிகா, சித்திக், நீரஜ் மகாதேவன் உள்பட பலர் நடித்து வரும் இந்த படத்தை வேல் பிலிம்ஸ் இண்டர்நேஷனல் பிலிம்ஸ் தயாரித்துள்ளது. இந்த படத்தின் வசனத்தை எழுத்தாளர் ஜெயமோகன் எழுதியுள்ளார் என்பது தெரிந்ததே.