சமீபத்தில் வெளியாகி சூப்பர் ஹிட் வெற்றி பெற்ற ’லப்பர் பந்து’ படத்தின் நாயகி மீது காவல்துறையில் புகார் அளிக்கப்பட்டுள்ள நிலையில், அந்த புகாரை அளித்தது ஒரு பிரபல நடிகை என்றும், இதனை அடுத்து வழக்கு பதிவு செய்யப்பட்டுள்ளதாகவும் தகவல் வெளியாகியுள்ளது.

மலையாள திரையுலகில் பல படங்களில் நடித்த நடிகை சுவாசிகா, ’லப்பர் பந்து’ படத்தில் நாயகியாக நடித்த நிலையில், அவர் மீது நடிகை ஒருவர் புகார் அளித்துள்ளார். ஹேமா கமிஷன் வெளியான போது, அதன் பின்னர் சில நடிகைகள், பிரபல நடிகர்கள் மற்றும் இயக்குனர்கள் மீது புகார் அளித்தனர் என்பதும், இந்த புகார்களின் அடிப்படையில் தற்போது விசாரணை நடந்து வருகிறது என்பதும் தெரிந்தது.

இந்த நிலையில், நடிகை சுவாசிகா சமீபத்தில் யூடியூப் சேனல் ஒன்றுக்கு அளித்த பேட்டியில், புகார் அளித்த நடிகை குறித்து சர்ச்சைக்குரிய வகையில் பேசியதாக தெரிகிறது.

இதனைத் தொடர்ந்து, சுவாசிகா மீது நடிகர் மற்றும் இயக்குனர் மீது ஹேமா கமிஷனில் புகார் அளித்த நடிகை காவல்துறையில் புகார் அளித்துள்ளார். இந்த புகாரின் அடிப்படையில் வழக்கு பதிவு செய்யப்பட்டுள்ளதாகவும், விரைவில் விசாரணை நடைபெற உள்ளதாகவும் கூறப்படுவது பரபரப்பை ஏற்படுத்தியுள்ளது.