பிரபல தொழிலதிபர் லெஜண்ட் சரவணன் நடித்து வரும் படத்தின் படப்பிடிப்பு கடந்த சில மாதங்களாக நடைபெற்று வருகிறது என்பதும் இந்த படத்திற்கு ’லெஜண்ட்’ என்ற டைட்டில் வைக்கப்பட்டு, மோஷன் போஸ்டரும் சமீபத்தில் வெளியானது என்பது தெரிந்ததே.

இந்த படத்தில் நாயகியாக ஊர்வசி ரௌட்டாலா நடித்திருக்கும் நிலையில் இந்த படத்தில் ஒரு குத்துப்பாடல் இடம்பெறுவதாகவும் அதில் பிரபல நடிகை ராய் லட்சுமியின் நடித்திருப்பதாகவும் படக்குழுவினர் தெரிவித்துள்ளனர்

இந்த பாடல் வித்தியாசமாக ஒரு கிராமிய பாணியில் குத்துப்பாட்டு இடம்பெற்றுள்ளதாகவும் அதில் ராய் லட்சுமி செம நடனமாடியிருக்கிறார் என்றும் இந்த பாடலுக்கு நடன இயக்குனராக ராஜசுந்தரம் பணி புரிந்துள்ளார் என்றும் படக்குழுவினர் தெரிவித்துள்ளனர்

இந்த பாடலின் படப்பிடிப்பு நான்கு நாட்கள் நடந்துள்ளதாகவும் கலர்ஃபுல்லான இந்த பாடல் நிச்சயம் ரசிகர்களை கவரும் என்றும் படக்குழுவினர் தெரிவித்துள்ளனர்,

தமிழ், தெலுங்கு, ஹிந்தி, கன்னடம், மலையாளம், என பான் -இந்தியா திரைப்படமாக உருவாகியிருக்கும் இந்த படத்திற்கு ஹாரிஸ் ஜெயராஜ் இசையமைத்துள்ளார் என்பதும் வேல்ராஜ் ஒளிப்பதிவில் ரூபன் படத்தொகுப்பில் இந்த படம் உருவாகி உள்ளது என்பது குறிப்பிடத்தக்கது