சிவகார்த்திகேயனுடன் மோதும் விஷால்
- IndiaGlitz, [Sunday,April 30 2017]
தென்னிந்திய திரைப்பட சங்கத்தின் செயலாளர் பணி, தமிழ் திரைப்பட தயாரிப்பாளர் சங்கத்தின் தலைவர் பணி ஆகியவற்றுக்கு இடையே விஷால் தற்போது 'துப்பறிவாளன்,' இரும்புத்திரை' மற்றும் கருப்பு ராஜா வெள்ளை ராஜா' ஆகிய படங்களில் நடித்து வருகிறார்.
இந்த நிலையில் 'துப்பறிவாளன்' படத்தின் ரிலீஸ் தேதி ஆகஸ்ட் 11 என்பதை ஏற்கனவே பார்த்தோம். இந்நிலையில் விஷால் நடித்து வரும் இன்னொரு படமான 'இரும்புத்திரை' படத்தின் பாடல்கள் மற்றும் படம் ரிலீஸ் தேதி குறித்த தகவல் வெளிவந்துள்ளது.
'இரும்புத்திரை' படத்தின் பாடல்கள் வரும் ஆகஸ்ட் 29ஆம் தேதி விஷாலின் பிறந்த நாள் அன்று வெளிவரவுள்ளது. அதேபோல் இந்த படம் உலகம் முழுவதும் செப்டம்பர் மாதம் 28ஆம் தேதி ஆயுதபூஜை விடுமுறை தினத்தில் வெளியாகவுள்ளது. செப்டம்பர் 29ஆம் தேதி சிவகார்த்திகேயனின் 'வேலைக்காரன்' ரிலீஸ் என்று ஏற்கனவே அறிவிக்கப்பட்டுள்ளது என்பது குறிப்பிடத்தக்கது.