பாரதிராஜா மகன் மீது திடீர் வழக்குப்பதிவு: காரணம் என்ன தெரியுமா?
- IndiaGlitz, [Friday,July 06 2018]
இயக்குனர் இமயம் பாரதிராஜா மீது தமிழக காவல்துறை பல்வேறு வழக்குகள் பதிவு செய்து விசாரணை செய்து வருகிறது. அவரும் ஒருசில வழக்குகளில் முன் ஜாமீன் பெற்று வழக்கை சந்தித்து வருகிறார். இருப்பினும் அவர் தமிழக அரசு மற்றும் மத்திய அரசுக்கு எதிராக கருத்து கூறுவதை இன்னும் தொடர்ந்தபடியே உள்ளார்.
இந்த நிலையில் இன்று சென்னை நுங்கம்பாக்கத்தில் மதுபோதையில் கார் ஓட்டியதாக இயக்குனர் பாரதிராஜாவின் மகனும் நடிகருமான மனோஜ் மீது போலீசார் வழக்குப்பதிவு செய்துள்ளனர்.
மேலும் மனோஜை காவல்நிலையத்திற்கு அழைத்து சென்று விசாரணை செய்து வருவதாகவும், அவருடைய காரையும் காவல்துறையினர் பறிமுதல் செய்திருப்பதாகவும் தகவல்கள் வெளிவந்துள்ளது.