நடிகை பார்வதி நாயர், 'அயலான்' தயாரிப்பாளர் மீது வழக்குப்பதிவு: என்ன நடந்தது?
- IndiaGlitz, [Saturday,September 21 2024]
பிரபல நடிகை பார்வதி நாயர் மற்றும் அயலான் படத்தின் தயாரிப்பாளர் ராஜேஷ் உட்பட ஏழு பேர் மீது காவல்துறையினர் வழக்கு பதிவு செய்திருப்பதாக தகவல்கள் உள்ளன.
கடந்த 2022ஆம் ஆண்டு பார்வதி நாயர் வீட்டில் 10 லட்சம் ரூபாய் மதிப்புள்ள பொருட்கள் காணாமல் போனதாக, நுங்கம்பாக்கம் காவல் நிலையத்தில் புகார் அளிக்கப்பட்டிருந்தது. அந்த புகாரில், தனது வீட்டில் பணிபுரிந்த சுபாஷ் சந்திரபோஸ் என்பவர் மீது சந்தேகம் இருப்பதாக அவர் குறிப்பிட்டிருந்தார்.
இந்த நிலையில், தேனாம்பேட்டை காவல் நிலையத்தில், சுபாஷ் சந்திரபோஸ், நடிகை பார்வதி நாயர் மற்றும் தயாரிப்பாளர் ராஜேஷ் உட்பட ஏழு பேர் மீது புகார் அளித்தார். அந்த புகாரில், தன்னை வீட்டில் அறையில் அடைத்து வைத்து, பார்வதி நாயர் உள்பட ஏழு பேர் தன்னை தாக்கி துன்புறுத்தியதாக கூறியிருந்தார்.
இந்த புகார் மீது காவல்துறையினர் நடவடிக்கை எடுக்கவில்லை என கூறப்பட்ட நிலையில், சுபாஷ் சந்திரபோஸ் சென்னை சைதாப்பேட்டை நீதிமன்றத்தில் வழக்கு தொடர்ந்தார். இந்த வழக்கை விசாரித்த நீதிபதி, இந்த புகாருக்கு உரிய நடவடிக்கை எடுக்குமாறு காவல்துறைக்கு உத்தரவிட்டார்.
இந்த உத்தரவின் அடிப்படையில், நடிகை பார்வதி நாயர், தயாரிப்பாளர் ராஜேஷ், அருள்முருகன், இளங்கோவன், செந்தில், அஜித், பாஸ்கர் உள்பட ஏழு பேர் மீது தேனாம்பேட்டை போலீசார் வழக்கு பதிவு செய்துள்ளனர். இந்த வழக்கின் விசாரணை நடந்து கொண்டிருப்பதாக கூறப்படுகிறது.