சூப்பர் ஸ்டார் ரஜினிகாந்த் நேற்று அமெரிக்காவில் இருந்து சென்னை திரும்பியுள்ள நிலையில் அவரது போயஸ் கார்டன் வீட்டுக்கு சற்றுமுன்னர் மர்ம நபர் ஒருவர் வெடிகுண்டு மிரட்டல் விடுத்துள்ளதாக செய்திகள் வெளிவந்துள்ளது

ரஜினிகாந்த் வரும் 9ஆம் தேதி சென்னை ஒய்.எம்.சி.ஏ மைதானத்தில் நடைபெறும் 'காலா' இசை வெளியீட்டு விழாவில் கலந்து கொல்கிறார் என்றும், அன்றைய தினம் அவர் முக்கிய அரசியல் அறிவிப்புகளை அறிவிக்கவுள்ளதாக கூறப்படும் நிலையில் சற்றுமுன் அவருடைய வீட்டுக்கு வெடிகுண்டு மிரட்டல் வந்திருப்பதாக வெளிவந்துள்ள செய்தி அவருடைய ரசிகர்களுக்கு கடும் அதிர்ச்சியை ஏற்பட்டுள்ளது.

இந்த நிலையில்  தமிழக முதல்வர் எடப்பாடி பழனிசாமியின் வீட்டுக்கு சமீபத்தில் வெடிகுண்டு மிரட்டல் விடுத்த பிரதீப் என்பவர்தான், ரஜினி வீட்டுக்கும் மிரட்டல் விடுத்துள்ளதாக போலீசாரின் முதல்கட்ட விசாரணையில் தெரியவந்துள்ளதாக கூறப்படுகிறது.

ஆனால் அதே நேரத்தில் தன்னுடைய செல்போன் நேற்று காணாமல் போய்விட்டதாகவும், ரஜினி வீட்டுக்கு தான் மிரட்டல் விடுக்கவில்லை என்றும்  பிரதீப் போலீஸ் விசாரணையில் கூறியுள்ளாராம். அப்படியானால் ரஜினி வீட்டுக்கு உண்மையில் மிரட்டல் விடுத்தது யார் என்பதை கண்டுபிடிப்பதில் போலீசார் தீவிரமாக உள்ளனர்.