கமல்ஹாசன் தொகுத்து வழங்கும் பிக்பாஸ் 2 நிகழ்ச்சி நேற்று முதல் தொடங்கியது என்பது அனைவரும் அறிந்ததே. நேற்று சுமார் 4 மணி நேரம் ஒளிபரப்பான இந்த நிகழ்ச்சியில் 16 போட்டியாளர்களும் சிறப்பு விருந்தினரான ஓவியாவும் அறிமுகம் செய்து வைக்கப்பட்டு பிக்பாஸ் வீட்டுக்கு அனுப்பி வைக்கப்பட்டனர்.

இந்த நிலையில் 'பிக்பாஸ் 2' நிகழ்ச்சியின் இன்றைய புரமோ வீடியோவில் போட்டியாளர்களில் 4 பேர்களின் லக்கேஜ் அனுப்பி வைக்கப்படாது என்றும், அவர்கள் யார் என்பதையும் போட்டியாளர்களே முடிவு செய்ய வேண்டும் என்றும் பிக்பாஸ் குரல் ஒலித்துள்ளது.

பிக்பாஸின் இந்த தகவல் போட்டியாளர்களை அதிர்ச்சிக்குள்ளாக்கியுள்ளது. லக்கேஜ் இல்லாமல் 100 நாட்கள் எப்படி சமாளிப்பது என்பதை நினைத்தாலே பிக்பாஸ் போட்டியாளர்களுக்கு பெரும் கவலையாக இருக்கும்.

இந்த நிலையில் லக்கேஜுடன் உள்ளே சென்ற ஓவியா 'உங்களை எல்லாம் பார்த்தால் எனக்கு பாவமாக இருக்கு' என்று கூறுவது போட்டியாளர்களுக்கு மேலும் வெறுப்பை ஏற்படுத்தும் என்று எதிர்பார்க்கப்படுகிறது.