பிக்பாஸ் வீட்டில் ஏற்கனவே மணி - ரவீனா காதல் ஜோடி இருக்கும் நிலையில் தற்போது இன்னொரு புதிய காதல் மலர்ந்து உள்ளதாக தெரிகிறது.

பிக்பாஸ் நிகழ்ச்சியில் ஒவ்வொரு சீசனிலும் ஒரு காதல் ஜோடி உருவாகி வருவதை பார்த்து வருகிறோம். அந்த வகையில் இந்த சீசனின் காதல் ஜோடி யாராக இருக்கும் என்று பார்வையாளர்கள் நினைத்துக் கொண்டிருந்த நிலையில் மணி - ரவீனா காதல் கடந்த சில நாட்களாக நடந்து வருகிறது.

இந்த நிலையில் தற்போது பிக்பாஸ் வீட்டில் நிக்சன் மற்றும் ஐஷு புதிய காதல் ஜோடி தோன்றியுள்ளதாக தெரிகிறது. இருவருக்கும் இடையே ஊடல் மற்றும் கோபம் ஏற்படும் காட்சிகளை எடிட் செய்து பின்னணியில் விஜய் - ஜோதிகா நடித்த ’குஷி’ திரைப்படத்தில் இடம் பெற்ற ’ஓ வெண்ணிலா’ என்ற பாடலை பதிவு செய்து நெட்டிசன்கள், வைரல் ஆக்கி வருகின்றனர்.

குஷி படத்தில் இடம்பெற்ற

ஓ வெண்ணிலா
என் மேல் கோபம் ஏன்?
ஆகாயம் சேராமல் தனியே வாழ்வது
ஏனோ? ஏனோ? ஏனோ?
ஓ காதலே
உன் பேர் மௌனமா
நெஞ்சோடு பொய் சொல்லி நிமிடம் வளர்ப்பது
சரியா சரியா சரியா

மேற்கண்ட வரிகள் நிக்சன் - ஐஷு காட்சிகளுக்கு மிகப் பொருத்தமாக அமைந்துள்ளது. ஆனால் அதே நேரத்தில் ’எனக்கு வெளியே ஆள் இருக்கிறது என்று ஐஷு கூறும் காட்சியின் வீடியோவும் வைரலாகி வருவதால் ஐஷு சொல்வது உண்மையா? வெளியே உண்மையில் அவருக்கு காதலன் இருக்கிறாரா? அல்லது நிக்சனுடன் காதல் ஏற்படுமா? என்பதை போக போக பார்ப்போம்.

Misunderstanding between #Nixen & #Aishu 🫰#BiggBossTamil7 #BiggBoss7Tamil#BiggBossTamil pic.twitter.com/IX4zVhumZh

— Akshay (@Filmophile_Man) October 23, 2023