லேடி சூப்பர் ஸ்டார் நயன்தாரா நடித்த ’அறம்’ படத்தை இயக்கிய கோபி நயினார் இயக்கத்தில் உருவாகி வரும் அடுத்த திரைப்படத்தின் படப்பிடிப்பில் விபத்து ஏற்பட்டுள்ளதை அடுத்து ஒருவர் உயிரிழந்துள்ளதாக தகவல் வெளியாகியுள்ளது.

’அறம்’ படத்தை இயக்கிய கோபி நயினார் தற்போது ’அகரம் காலனி’ என்ற படத்தை இயக்கி வருகிறார். இந்த படத்தின் படப்பிடிப்பு சென்னை அருகே உள்ள செங்குன்றம் என்ற பகுதியில் அரிசி ஆலையில் நடைபெற்று வருகிறது.

இந்த நிலையில் இந்த படத்தில் லைப் மேன் ஆக பணிபுரிந்த சண்முகம் என்பவர் திடீரென எதிர்பாராமல் ஏற்பட்ட மின்சார விபத்தில் தூக்கி எறியப்பட்டு படுகாயம் அடைந்தார். உடனே அவரை மருத்துவமனைக்கு எடுத்துச் சென்றபோது அவர் இறந்துவிட்டதாக மருத்துவர்கள் தெரிவித்தனர்.

இதையடுத்து இது குறித்து வழக்குப்பதிவு செய்த போலீசார் பிரேத பரிசோதனைக்கு உடலை அனுப்பி விசாரணை செய்து வருகின்றனர். இந்த சம்பவம் ’அகரம் காலனி’ படக்குழுவினர்களை பெரும் அதிர்ச்சி கொள்ளாக்கி உள்ளதாக தெரிகிறது.