கடந்த சில ஆண்டுகளுக்கு முன்னர், தொலைக்காட்சியில் வருவதற்கு முன் வானொலிகளில் ஒலிச்சித்திரம் என்ற ஒன்று ஒளிபரப்பாகும் என்பது 80களின் சினிமா ரசிகர்களுக்கு மட்டுமே தெரியும். அந்த காலகட்டத்தில் திரைப்படங்களின் வசனங்களை மட்டும் வானொலியில் ஒளிபரப்பும் ஒலிச்சித்திரம் நிகழ்ச்சிக்க்கு மிகப்பெரிய வரவேற்பு இருக்கும். பாடல்களை வெட்டிவிட்டு ஒரு மணி நேரத்தில் ஒரு முழு திரைப்படத்தை ஒலிச்சித்திரமாக வானொலிகள் ஒளிபரப்பும்

நாளடைவில் தொலைக்காட்சி மற்றும் நவீன டெக்னாலஜி வந்த பிறகு ஒலிச்சித்திரம் என்ற ஒன்றே மறந்து போய்விட்டது. இன்றைய இளைய தலைமுறையினருக்கு ஒலிச்சித்திரம் என்ற ஒன்று இருப்பதே தெரியாது என்பது குறிப்பிடத்தக்கது

இந்த நிலையில் பல வருடங்களுக்குப் பின்னர் மீண்டும் ஒலிச்சித்திரம் தனியார் வானொலி ஒன்றில் ஒளிபரப்பாக உள்ளது. நாளை காதலர் தினத்தை முன்னிட்டு இரவு 9 மணிக்கு விஜய் சேதுபதி த்ரிஷா நடித்த ’96’ படத்தின் ஒலிச்சித்திரம் ஒளிபரப்பாக உள்ளதாக அறிவிக்கப்பட்டுள்ளது. ராம், ஜானுவை திரையில் கண்ட ரசிகர்கள் அந்த கேரக்டர்களை கற்பனையில் நினைத்து கொண்டே இந்த ஒலிச்சித்திரத்தை கேட்கும் அனுபவம் உண்மையில் வித்தியாசமாகத்தான் இருக்கும் என்பது குறிப்பிடத்தக்கது