விஜய்சேதுபதி, த்ரிஷா ரசிகர்களுக்கு ஒரு சர்ப்ரைஸ் செய்தி
- IndiaGlitz, [Monday,July 09 2018]
முதன்முறையாக விஜய்சேதுபதி, த்ரிஷா இணைந்து நடிக்கும் திரைப்படம் '96' என்பது தெரிந்ததே. சிறுவயது முதல் முதிர்ச்சி அடைந்த பருவம் வரையிலான காதலை சொல்லும் இந்த படத்தை பிரேம்குமார் என்பவர் இயக்கி வருகிறார். இவர் ஏற்கனவே 'பசங்க', 'சுந்தரபாண்டியன்', 'நடுவுல கொஞ்சம் பக்கத்த காணோம்' போன்ற படங்களுக்கு ஒளிப்பதிவாளராக இருந்தவர் என்பதும் இந்த படத்தின் மூலம் இயக்குனராக அறிமுகமாகிறார் என்பது குறிப்பிடத்தக்கது
இந்த நிலையில் இந்த படத்தின் படப்பிடிப்பு கடந்த சில மாதங்களாக நடைபெற்று கொண்டிருக்கும் நிலையில் இந்த படத்தின் ஃபர்ஸ்ட்லுக் ரிலீஸ் தேதி குறித்த அறிவிப்பு தற்போது வெளிவந்துள்ளது. ஜூலை 12ஆம் தேதி மாலை 5 மணிக்கு இந்த படத்தின் ஃபர்ஸ்ட்லுக் போஸ்டர் வெளியாகவுள்ளதாக படக்குழுவினர் அறிவித்துள்ளனர்.
டிராவல் போட்டோகிராபராக விஜய்சேதுபதியும், ஜானு என்ற கேரக்டரில் த்ரிஷாவும் நடித்து வரும் இந்த படத்தில் பழம்பெரும் நகைச்சுவை நடிகர் ஜனகராஜ் மீண்டும் ரீஎண்ட்ரி ஆகிறார். மேலும் காளிவெங்கட், ஆடுகளம் முருகதாஸ் உள்பட பலர் நடித்து வரும் இந்த படத்திற்கு கோவிந்த் மேனன் இசையமைக்கின்றார். இவர் சமீபத்தில் வெளியான 'அசுரவதம்' படம் உள்பட ஒருசில படங்களுக்கு இசையமைத்துள்ளார். இந்த படத்தின் ரிலீஸ் தேதி விரைவில் அறிவிக்கப்படவுள்ளது.