ஒரே வளாகம்.. 16 திரையரங்குகள், 80 காட்சிகள் திரையிடப்படும் 'லியோ'..!
- IndiaGlitz, [Wednesday,October 18 2023]
சென்னையில் உள்ள ஒரே திரையரங்கு வளாகத்தில் உள்ள 16 ஸ்கிரீன்களில் உள்ள 80 காட்சிகள் லியோ திரைப்படம் மட்டுமே திரையிடப்படுவதாக அறிவிக்கப்பட்டுள்ளது.
இந்தியாவின் மிகப்பெரிய திரையரங்கு வளாகங்களில் ஒன்று மாயாஜால். இந்த திரையரங்கு வளாகத்தில் 16 ஸ்கிரீன்கள் உள்ளன. இந்த நிலையில் நாளை வெளியாக இருக்கும் தளபதி விஜய்யின் ’லியோ’ திரைப்படம் அனைத்து 16 ஸ்கிரீன்களிலும் ஐந்து காட்சிகளாக திரையிட போவதாக அறிவிக்கப்பட்டுள்ளது.
’லியோ’ திரைப்படம் மட்டுமே அனைத்து திரையரங்குகளிலும் திரையிட போவதாக கூறப்பட்ட சில நிமிடங்களில் முதல் நாளுக்குரிய அனைத்து காட்சிகளின் டிக்கெட்டுக்களும் விற்று தீர்ந்து விட்டது.
இந்தியாவில் ஒரே வளாகத்தில் அதிக காட்சிகள் திரையிடப்படுகிறது என்ற பெருமையை ’லியோ’ படம் பெற்றுள்ளது என்பது குறிப்பிடத்தக்கது.