தமிழகத்தில் தினமும் 50க்கும் மேற்பட்டோர் கொரோனாவால் பாதிக்கப்பட்டு வருவதாக சுகாதாரத்துறை தினந்தோறும் மாலையில் தெரிவித்து வரும் நிலையில் இன்று கொரோனாவால் பாதிப்பு அடைந்தவர் குறித்த தகவலை சுகாதாரத்துறை சற்றுமுன் வெளியிட்டுள்ளது

இதன்படி தமிழகத்தில் இன்று மட்டும் 72 பேருக்கு புதிதாக கொரோனா தொற்று கண்டறியப்பட்டுள்ளதாகவும் இதனை அடுத்து தமிழகத்தில் மொத்தம் 1755 பேர்களுக்கு கொரோனாவால் பாதிக்கப்பட்டுள்ளதாகவும் சுகாதாரத்துறை தெரிவித்துள்ளது

மேலும் இன்று கொரோனாவால் பாதிக்கப்பட்ட 72 பேர்களில் 52 பேர் சென்னையை சேர்ந்தவர்கள் என்றும், இதனை அடுத்து சென்னையில் மட்டும் மொத்தம் 452 பேர் கொரோனாவால் பாதிக்கப்பட்டு இருப்பதாகவும் சுகாதாரத்துறை தெரிவித்துள்ளது. மேலும் இன்று தமிழகத்தில் கொரோனாவால் இரண்டு பேர் உயிரிழந்ததை அடுத்து தமிழகத்தில் மொத்தம் 22 பேர் கொரோனாவால் உயிரிழந்துள்ளனர் என்பது குறிப்பிடத்தக்கது

மேலும் இன்று தமிழகத்தில் 114 பேர் கொரோனாவில் இருந்து குணமாகியுள்ளதாகவும் இதனை அடுத்து கொரோனாவால் குணமாணவர்கள் எண்ணிக்கை 866 ஆக உயர்ந்து உள்ளது என்பதும் குறிப்பிடத்தக்கது