சிரஞ்சீவி நடித்த 151 வது படமான ’சைரா நரசிம்ம ரெட்டி’ திரைப்படம் நேற்று உலகம் முழுவதும் வெளியாகி பாசிட்டிவ் விமர்சனங்களை பெற்று வருகிறது. சிரஞ்சீவியுடன் விஜய் சேதுபதி, அமிதாப்பச்சன், ஜெகபதிபாபு, சுதீப், நயன்தாரா, தமன்னா உள்ளிட்ட பல முன்னணி பிரபலங்கள் இந்த படத்தில் நடித்து இருந்தனர்

இந்த படத்தை நேற்று முதல் நாள் முதல் காட்சி பார்க்க ஆந்திரா மற்றும் தெலுங்கானா மாநிலங்களில் உள்ள சிரஞ்சீவி ரசிகர்கள் தியேட்டரில் குவிந்தனர். இந்த நிலையில் கோலிமிகுண்டா என்ற பகுதியைச் சேர்ந்த 7 போலீஸார் இந்த படத்தை முதல்நாள் முதல் காட்சி கண்டுகளித்துள்ளனர். அதுமட்டுமின்றி தியேட்டரில் ஆடிப்பாடி வீடியோ எடுத்தது மட்டுமின்றி, தங்களுடைய செல்பி புகைப்படத்தையும் சமூக வலைதளங்களில் பதிவு செய்தனர்

இதனை அடுத்து அந்த 7 போலீசாரும் செல்பி புகைப்படம் மற்றும் வீடியோக்களை சமூக வலைதளங்களில் பதிவு செய்தனர். இவை சமூக வலைத்தளங்களில் வைரல் ஆன நிலையில் இந்த ஏழு போலீசாரும் பணி நேரத்தில் படம் பார்த்த விவகாரம் தெரிய வந்தது

இது குறித்து மேல் அதிகாரிகளின் கவனத்திற்கு வந்ததைடுத்து ஏழு பேரையும் பணி நீக்கம் செய்ய உயர் அதிகாரி உத்தரவிட்டுள்ளார். ஆந்திர மாநிலத்தில் சமூக சமூகநலத் துறை சார்பாக பல்வேறு திட்டங்கள் தொடங்கப்படவுள்ள நிலையில் அதற்காக பாதுகாப்பு பணியில் ஈடுபடுமாறு உத்தரவு பிறப்பிக்கப்பட்டுள்ள இந்த ஏழு பேர்கள், பாதுகாப்பு பணியை பொருட்படுத்தாமல் சிரஞ்சீவி படம் பார்த்ததால் சஸ்பெண்ட் செய்யப்பட்டுள்ளனர் என்பது குறிப்பிடத்தக்கது