சிறந்த படம், சிறந்த நடிகருக்கான தேசிய விருது அறிவிப்பு.. தமிழ் ரசிகர்களுக்கு ஏமாற்றமா?
- IndiaGlitz, [Thursday,August 24 2023]
69வது தேசிய விருது இன்று மாலை அறிவிக்கப்படும் என ஏற்கனவே செய்திகள் வெளியான நிலையில் தற்போது இந்த அறிவிப்புகள் வெளிவந்து கொண்டிருக்கின்றன. இதில் தமிழ் படங்களுக்கு சில விருதுகள் கிடைக்கும் என்று எதிர்பார்க்கப்பட்ட நிலையில் ஏமாற்றமே எஞ்சியுள்ளது.
இந்த நிலையில் சிறந்த படத்திற்கான தேசிய விருது மாதவன் நடித்த ’ராக்கெட்டேரி’ என்ற படத்திற்கு கிடைத்துள்ளது. மேலும் சிறந்த பாப்புலர் திரைப்படம் என்ற விருது எஸ்எஸ் ராஜமவுலி இயக்கத்தில் உருவான ’ஆர்.ஆர்.ஆர்’ என்ற படத்திற்கு கிடைத்துள்ளது.
சிறந்த நடிகருக்கான தேசிய விருது ’புஷ்பா’ திரைப்படத்தில் சிறப்பாக நடித்த தெலுங்கு நடிகர் அல்லு அர்ஜுன் அவர்களுக்கு கிடைத்துள்ளது. மேலும் சிறந்த பின்னணி பாடகி என்ற விருது ’இரவின் நிழல்’ திரைப்படத்தில் மாயவா சாயவா என்ற பாடலை பாடிய ஸ்ரேயா கோஷல் அவர்களுக்கு கிடைத்துள்ளது.
மேலும் தமிழில் சிறந்த படம் என்ற விருது ’கடைசி விவசாயி’ என்ற படத்திற்கு கிடைத்துள்ளது என்பது குறிப்பிடத்தக்கது. பெரிதும் எதிர்பார்க்கப்பட்ட ’சார்பாட்டா பரம்பரை’ ’ஜெய்பீம்’ ’கர்ணன்’ ஆகிய திரைப்படங்களுக்கு இதுவரை விருதுகள் அறிவிக்கப்படவில்லை என்றாலும் இனிமேல் கிடைக்குமா? என்பதை பொறுத்திருந்து பார்ப்போம்.
எதிர்பார்க்கப்பட்ட தமிழ் படங்களுக்கு விருதுகள் கிடைக்கவில்லை என்றாலும் ‘ராக்கெட்டரி’ , ‘கடைசி விவசாயி’ படங்களுக்கு விருது கிடைத்துள்ளதால் தமிழ் திரையுலகம் மகிழ்ச்சி அடைந்துள்ளது.