கோலிவுட் திரையுலகம் கடந்த சில ஆண்டுகளாக இளைஞர்களின் வசம் சென்றுவிட்டது. இளம் இயக்குனர்களின் வித்தியாசமான படைப்புகளுக்கு ஈடுகொடுக்க முடியாமல் சீனியர் இயக்குனர் ஓய்வெடுக்க தொடங்கிவிட்டனர். ஆனால் இளம் இயக்குனர்களுக்கு இணையாக இன்றும் திரைப்படங்கள் வழங்கி வரும் ஒரே இயக்குனர் மணிரத்னம் மட்டுமே.

இதனால் இன்று அவர் இயக்கத்தில் வெளியாகியுள்ள 'செக்க சிவந்த வானம்' திரைப்படத்திற்கு நல்ல வரவேற்பு ஏற்பட்டுள்ளது. சிம்பு , விஜய்சேதுபதி போன்ற பெரிய ஸ்டார்கள் ஒருபக்கம் என்றால் இன்னும் மணிரத்னம் படத்திற்கு என ஒரு ரசிகர் கூட்டம் உள்ளது என்பது இன்றைய அதிகாலை காட்சி ஹவுஸ்புல் ஆனதில் இருந்து தெரியவருகிறது.

இன்று வெளியாகியுள்ள 'செக்க சிவந்த வானம் திரைப்படம் 61 திரையரங்குகளில் அதிகாலை 5 மணி காட்சி திரையிடப்பட்டது என்பது குறிப்பிடத்தக்கது. மேலும் முதல் காட்சி முடிந்தவுடன் படத்தின் ரிசல்ட்டும் பாசிட்டிவ்வாக வந்துள்ளது. ஊடகங்கள் மற்றும் சமூக வலைத்தள பயனாளிகள் இந்த படத்தை கொண்டாடி வருகின்றனர். எனவே 'காற்று வெளியிடை' படத்தில் சறுக்கிய மணிரத்னம் மீண்டும் ஃபார்முக்கு வந்துவிட்டதாகவே கருதப்படுகிறது.