తెలంగాణలో కరోనా మహమ్మారి రోజురోజుకూ విజృంభిస్తోంది. పాజిటివ్ కేసుల సంఖ్య విపరీతంగా పెరిగిపోతోంది. శనివారం తెలంగాణలో కొత్తగా 546 కరోనా పాజిటివ్ కేసులు నమోదయ్యాయని వైద్య ఆరోగ్యశాఖ హెల్త్ బులిటెన్‌ను విడుదల చేసింది. దీంతో మొత్తం పాజిటివ్ కేసుల సంఖ్య 7072కి చేరుకుంది. కాగా.. కరోనా కారణంగా శనివారం ఒక్కరోజే ఐదుగురు మృతి చెందారు. దీంతో కరోనా కారణంగా మొత్తం తెలంగాణలో ఇప్పటి వరకూ 203 మంది మృతి చెందారు.

కాగా.. ఒక్క జీహెచ్ఎంసీ పరిధిలోనే 458 కేసులు నమోదు కావడం గమనార్హం. అలాగే రంగారెడ్డి జిల్లాలో 50, కరీంనగర్‌లో 13, జనగామలో 10, మేడ్చల్‌లో 6, మహబూబ్ నగర్‌లో 3, వరంగల్ అర్బన్‌లో 2 వరంగల్ రూరల్‌లో 1, ఖమ్మంలో 2, ఆదిలాబాద్‌లో ఒక్క కేసు నమోదు అయింది. కరోనా నుంచి కోలుకుని నిన్న 154 మంది డిశ్చార్జ్ అయ్యారు. దీంతో మొత్తం 3506 మంది డిశ్చార్జ్ కాగా.. రాష్ట్రంలో 3,363 యాక్టివ్ కేసులున్నాయి.