இன்று தமிழகத்தில் 54 பேர்களுக்கு கொரோனா பாசிட்டிவ்! சுகாதாரத்துறை தகவல்
- IndiaGlitz, [Thursday,April 23 2020]
தமிழகத்தில் சராசரியாக தினமும் 50க்கும் மேற்பட்டவர்கள் கொரோனாவால் பாதிப்பு அடைந்து வரும் நிலையில் இன்று 54 பேர்களுக்கு கொரோனா தொற்று ஏற்பட்டிருப்பதாக சுகாதாரத்துறை தெரிவித்துள்ளது. இதனையடுத்து தமிழகத்தில் கொரோனாவால் பாதிக்கப்பட்டவர்களின் மொத்த எண்ணிக்கை 1683ஆக உயர்ந்துள்ளது.
இன்று கொரோனாவால் பாதிக்கப்பட்ட 54 பேர்களில் 27 பேர் சென்னையை சேர்ந்தவர்கள் என்றும் இதனையடுத்து சென்னையில் மட்டும் 400 பேர் கொரோனாவால் பாதிக்கப்பட்டுள்ளனர் என்பதும் குறிப்பிடத்தக்கது.
மேலும் இன்று மட்டும் 90 பேர் கொரோனாவில் இருந்து குணமாகி டிஸ்சார்ஜ் செய்யப்பட்டுள்ளனர் என்றும் இதனையடுத்து தமிழகத்தில் இதுவரை 752 பேர் வைரஸ் தொற்றில் இருந்து மீண்டுள்ளனர் என்றும் தமிழக சுகாதாரத்துறை தகவல் தெரிவித்துள்ளது.
மேலும் தமிழகத்தில் இன்று மட்டும் 6,954 பேர்களுக்கு கொரோனா பரிசோதனை செய்யப்பட்டிருப்பதாகவும் இதனையடுத்து தமிழகத்தில் மொத்தம் 65,977 பேர்களுக்கு பரிசோதனை செய்யப்பட்டிருப்பதாக தமிழக சுகாதாரத்துறை தெரிவித்துள்ளது.
மேலும் தமிழகத்தில் இன்று மட்டும் இருவர் கொரோனாவால் பலியாகியுள்ளதை அடுத்து தமிழகத்தில் கொரோனாவால் உயிரிழந்தவர்களின் எண்ணிக்கை 20ஆக உயர்ந்துள்ளது.