தமிழகத்தில் இன்று மட்டும் புதிதாக 52 பேருக்கு கொரோனா பாதிப்பு ஏற்பட்டிருப்பதாகவும் இதனையடுத்து தமிழகத்தில் கொரோனா பாதித்தோரின் எண்ணிக்கை 1,937ஆக உயர்ந்துள்ளதாகவும் சற்றுமுன் தமிழக சுகாதாரத்துறை தகவல் தெரிவித்துள்ளது.

மேலும் தமிழகத்தில் இன்று கொரோனாவில் இருந்து குணமாகி 81 பேர் டிஸ்சார்ஜ் செய்யப்பட்டு வீடு திரும்பியுள்ளதாகவும் இதனையடுத்து தமிழகத்தில் குணமானவர்களின் எண்ணிக்கை 1101ஆக உயர்ந்துள்ளதாகவும் சுகாதாரத்துறை தெரிவித்துள்ளது

இன்று கொரோனாவால் பாதிக்கப்பட்ட 52 பேர்களில் சென்னையில் மட்டும் 47 பேர்கள் என்பதும், கிருஷ்ணகிரியில் நால்வர் மற்றும் விழுப்புரத்தில் ஒருவர் என்பதும் மற்ற மாவட்டங்களில் கொரோனா தொற்று இன்று யாருக்கும் இல்லை என்றும் சுகாதாரத்துறை தெரிவித்துள்ளது

சென்னையில் ஏற்கனவே 523 பேர் கொரோனாவால் பாதிக்கப்பட்டு இருந்த நிலையில் இன்று மட்டும் 47 பேர் பாதிக்கப்பட்டுள்ளதால் சென்னையில் மொத்தம் கொரோனாவால் பாதிக்கப்பட்டவர்களின் எண்ணிக்கை 570ஆக உயர்ந்துள்ளது என்பதும் இதனையடுத்து சென்னை அபாயக்கட்டத்தில் உள்ளது என்பதும் குறிப்பிடத்தக்கது

மேலும் தமிழகத்தில் இன்று மட்டும் 7,176 பேர்களுக்கு கொரோனா பரிசோதனை செய்யப்பட்டுள்ளது என்பதும் இதனையடுத்து மொத்தம் 94,781 பேர்களுக்கு கொரோனா பரிசோதனை செய்யப்பட்டுள்ளது என்பதும் குறிப்பிடத்தக்கது