అల్లరి నరేష్, త్రిష..లెక్క ఒక్కటే..
- IndiaGlitz, [Monday,October 26 2015]
ఈ ఏడాది హాస్య చిత్రాల క‌థానాయ‌కుడు అల్లరి నరేష్, అందాల నాయిక త్రిష‌కి ఎంతో స్పెషల్. ఎందుకంటే.. వారి కెరీర్‌లో సంఖ్య ప‌రంగా స్పెషల్ అయిన సినిమాలు త్వ‌ర‌లోనే విడుద‌ల కాబోతున్నాయి మ‌రి. మోహ‌న్‌బాబు, ర‌మ్య‌కృష్ణ, మీనా వంటి హేమాహేమీల‌తో క‌లిసి అల్లరి నరేష్ న‌టిస్తున్న 'మామ మంచు అల్లుడు కంచు'.. స‌ద‌రు కామెడీ హీరోకి 50వ చిత్రం. ఈ సినిమా డిసెంబ‌ర్ 25న విడుద‌లయ్యే దిశ‌గా ఉంది. ఇక త్రిష న‌టించిన 50వ చిత్రం 'చీక‌టి రాజ్యం' కూడా న‌వంబ‌ర్ లేదా డిసెంబ‌ర్‌లో రిలీజ్ అయ్యే అవ‌కాశం ఉంది. ఈ సినిమా కోసం విశ్వ న‌టుడు క‌మ‌ల్ హాస‌న్ ప‌క్క‌న త్రిష న‌టించింది. మ‌రి ఈ రెండు చిత్రాలు వారికి మెమ‌ర‌బుల్ రిజ‌ల్ట్స్‌ని ఇస్తాయో లేదో చూడాలి.