இன்றும் 500க்கும் மேல் கொரோனா பாதிப்பு: அதிர்ச்சி தகவல்
- IndiaGlitz, [Tuesday,May 05 2020]
தமிழகத்தில் முதல்முறையாக நேற்று ஒரே நாளில் 527 பேர்கள் கொரோனாவால் பாதிப்பு அடைந்துள்ளதாக செய்திகள் வெளியான நிலையில் இன்றும் 500க்கும் மேற்பட்டோர் கொரோனாவால் பாதிப்பு அடைந்துள்ளதாக தமிழக சுகாதாரத்துறை தெரிவித்துள்ளது பெரும் அதிர்ச்சியை ஏற்படுத்தியுள்ளது.
இன்று தமிழகத்தில் மொத்தம் 508 பேர் கொரோனாவால் பாதிக்கப்பட்டுள்ளனர் என்றும் இவர்களில் 279 பேர் சென்னையை சேர்ந்தவர்கள் என்றும் சுகாதாரத்துறை அறிவித்துள்ளது. இதனையடுத்து தமிழகத்தில் கொரோனாவால் பாதிக்கப்பட்டவர்களின் மொத்த எண்ணிக்கை 4058ஆக உயர்ந்துள்ளது என்பதும் சென்னையில்
கொரோனாவால் பாதிக்கப்பட்டவர்களின் மொத்த எண்ணிக்கை 2008ஆக உயர்ந்துள்ளது என்பதும் குறிப்பிடத்தக்கது
சென்னையை அடுத்து கடலூரில் 68 பேர்களும், செங்கல்பட்டு மற்றும் கள்ளக்குறிச்சியில் தலா 38 பேர்களும், விழுப்புரத்தில் 25 பேர்களும், திருவள்ளூரில் 18 பேர்களும், நாமக்கல்லில் 15 பேர்களும், திண்டுக்கல்லில் 7 பேர்களும், திருப்பத்தூரில் 5 பேர்களும், தர்மபுரி, காஞ்சிபுரம், பெரம்பலூர், சேலம், தென்காசி, நெல்லை, திருச்சி மற்றும் விருதுநகரில் தலா ஒருவரும் கொரோனாவால் பாதிக்கப்பட்டுள்ளனர்.
தமிழகத்தில் இன்று மட்டும் 11,858 பேர்களுக்கு கொரோனா பரிசோதனை செய்யப்பட்டதாகவும், மொத்தம் 174,828 பேர்களுக்கு கொரோனா பரிசோதனை செய்யப்பட்டதாகவும் அறிவிக்கப்பட்டுள்ளது. தமிழகத்தில் இன்று கொரோனாவுக்கு இருவர் பலியாகியுள்ளதை அடுத்து தமிழகத்தில் பலி எண்ணிக்கை 33ஆக உயர்ந்துள்ளது.